Convèrgencia i Unió (en aragonés Converchencia y Unión) fue una federación de dos partius politicos, establita o 2 d'aviento de 2001 y formata por Convergència Democràtica de Catalunya (CDC) (Converchencia Democratica de Catalunya), d'ideolochía liberal, y Unió Democràtica de Catalunya (UDC) (Unión Democratica de Catalunya), democristiana u socialcristiana. A federación se disolvió o 18 de chunio de 2015.
Yera una federación de partius politicos que reconoixeban a federación como a sola ferramienta electoral. O catalán estió la luenga propia d'a federación, chuntament con l'aranés en a Val d'Arán.
Historia
A Federación de CiU naixe lo 2 d'aviento de 2001, cuan Convergència Democràtica de Catalunya y Unió Democràtica de Cataluna sinyan l'alcuerdo que da solideza y estabilidat a lo prochecto colectivo que truxan dende fa mes de 20 anyadas.
Os dos partius s'han presentato de conchunta a totas as eleccions dende lo 1978, cuan Convergència Democràtica de Catalunya arribó a un alcuerdo electoral con Unió Democràtica de Catalunya ta presentar-se chuntos, en as eleccions -19 de setiembre de 1978-. A federación gubernó en a Cheneralidat de Catalunya dende 1980 dica 2003. En 2003, l'historico president d'a Generalitat Jordi Pujol i Soley no se presenta a las eleccions, so qe lo candidato estió Artur Mas, que exerceba como chefe de l'oposición en o Parlamento de Catalunya. En as eleccions chenerals espanyolas de 2004, CiU obtenió un total de 10 escanyos en o Congreso d'os Deputatos. Josep Antoni Duran i Lleida ye lo president d'o Grupo Parlamentario Catalán y Xavier Trias ye lo president d'o Grupo Monecipal de CiU en o Concello de Barcelona.
L'1 de noviembre de 2006 se celebran as eleccions a lo Parlamento de Catalunya. Per segunda vegada consecutiva Artur Mas endreza la candidatura de CiU. A federación se presenta con l'eslogan de campanya "Estimar Catalunya, governar bè!" ("Aimar Catalunya, gubernar bien!"). CiU gana las eleccions per ueitena vegada consecutiva, iste resultato en votos y escanyos en as 4 comarcas catalanas, y obtenió 48 diputatos. A reedición d'o pacto d'o tripartiu privó que la federación torne ta la Cheneralidat.
CiU guberna en cuasi 450 municipios entre los cuals as ciudaz de Sant Cugat del Vallès, Vic, Figueres, Blanes, Martorell, Tortosa...
En as eleccions a o Parlamento de Catalunya de 2012, o 25 de noviembre de 2012, Convergència i Unió ganó as eleccions, encara que, con 50 deputatos, tenió una perduga de 12 escanyos sobre as eleccions anteriors.[1]
Líders destacatos
Vinclos externos
Referencias
