A Casa Solans ye un edificio modernista de propiedat municipal en Zaragoza.
Estió una villa construyita debant d'a suya fabrica "La Nueva Harinera" entre 1918-1921, por o industrial farinero Juan Solans, y disenyata por l'arquitecto zaragozano Miguel Ángel Navarro Pérez.
Ye un buen eixemplo de arquitectura eclectica privata, que presenta una ornamentación modernista y historicista, en la que destacan por a suya vistosidat os panels de recholas policromas d'a frontera occidental, con as feguras d'os signos d'o zodiaco. A dita orichinalment casa-hotel de Don Juan Solans, yera conoixita popularment en o barrio como a "Casa d'as Recholas", encara que ha pasato a estar dita Casa Solans.
En 1921 l'edificio s'incendió y en 1926, ya muerto Juan Solans, a suya muller s'instaló en a casa. Posteriorment, debito a os deterioros de l'edificio mientres a Guerra Civil, s'encargó una nueva reforma d'a casa en febrero de 1943, que nunca no se fació.
A construcción de l'edificio, declarato Bien d'Intrés Cultural, costó en su día a cantidat de 750.000 d'as antigas pesetas. Dimpués de muitos anyos d'albandono se fació un prochecto de consolidación y restauración integral de tot l'edificio ta recuperar-lo.[1]
Casa Solans de Zaragoza fue emplegata como seu de Nacions Unidas ta a Decada de l'Agua en febrero de 2006.
Vinclos externos
