PROFILBARU.COM

	Camarena de la Sierra
	Municipio d'Aragón
	; Camarena de la Sierra dende El Castillo
Entidat; • País; • Provincia; • Comarca	Municipio; Aragón; Teruel; Gúdar-Chabalambre
Partiu chudicial	Teruel
Superficie	79,5 km²
Población; • Total	; 134 hab. (2013)
Altaria; • Meyana	; 1295 m.
Distancia; • 40 km	; enta Teruel
Alcalde	Ramón Gimeno Gil
Codigo postal	44459
Parroquial; • Diocesi; • Arcipestrau; • Parroquia	; Teruel y Albarracín; Teruel; Sant Mateu apóstol
Río	Río Camarena
Coordenadas	40° 8’53’’N 1° 2’26’’U
	Camarena de la Sierra Camarena de la Sierra en Aragón
	Web oficial

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Camarena de la Sierra ye un municipio de la provincia de Teruel, situau en la comarca de Gúdar-Chabalambre. La suya población ye de 137 habitants (2014), en una superficie de 79,5 km² y una densidat de población de 1,72 hab/km².

Cheografía

Ye situau entre las sierras de Camarena y Chabalambre, chunto a lo río Camarena. Comprende lo lugar de Mas de Navarret.

Ye un lugar montanyoso con zonas de bosques, matullera, pastizals y poca zona de cautivo.

Mugas

Lo suyo termin municipal muga con La Puebla de Valverde, Arcos de las Salinas, La Puebla de Sant Miguel, Riodeva, Cascant, Valacroch y Cubla.

Historia

Camarena fue reconquiesta en 1205 en tiempos de Pero II d'Aragón. En 1217 teneba la categoría de villa cuan Chaime I d'Aragón la donó a lo bispe de Zaragoza Sancho d'Ahons en pagas por lo Castiello de Palma^[1].

Yera citada en un texto de mayo de 1262 chunto con atros lugars que lo concello de Teruel heba de repoblar. D'esta traza los teruelans nombroron mayordombres en un texto en los que salen unas aldeyas d'a zona en litichio con lo Reino de Valencia.

qui dividant et donent ad populandum quibuscumque personis voluerint...loca illa sunt in terminis turoliii, qui nominantur Musquerola, Val de Linares, Pana Calva, Atorela, Salmança, Turriles, Camarela et omnia loca que in termino Turolii sunt ad populandum

Dende la creyación de las sexmas de la Comunidat d'aldeyas de Teruel Camarena fació part de la sexma d'el Campo de Sarrión. Fació tamién part de la sobrecullida de Mont Albán. Por lo menos dica 1711 tenió la categoría d'aldeya, manimenos en 1785 prenió la categoría de "lugar"^[1].

Toponimia

Lo toponimo Camarena ye un toponimo con la terminación -ena, que indica pertenecia. L'apelativo de la Sierra s'aplicó por lo menos dende 1920 pa diferenciar-lo d'atro Camarena en Toledo.

Bi ha microtoponimos con components antigos como La Truena, Fuente del Yelgo, Los Picayos, Requezo, Recuenco, La Salguilla, Cederilla, Arnachares, destacando-ne beluns con coincidencias u influencias de l'aragonés como Gamellón, Francheta (notable tamién por lo diminutivo diminutivo -eta fosilizau), Fuente del Codonyo, Los Canyos, Fuen Blanquilla, Fuen Somera, Plano Moral, El Planillo, El Poyal, Penya del Tormo/Penya de los Tormos, Artiga, Artigazo y El Medián.

Lo microtoponimo La Truena se documenta como La Trona en la Carta de población de Villel:

...et de la Quadradeja al fronton de la Escaleruela de la Trona, et de la Escaleruela a las canales del fondon a la foç de Ballcroch, et de las canales del fondon de la foç et fiere al Cabello Blanquo de la fuente Pudia...

Demografía

Evolución demografica

1992	1994	1996	1997	1998	1999	2000	2001	2002
-	-	-	-	171	181	186	187	173

2003	2004	2005	2006	2007	2008	2009	2010	2011
166	166	159	160	167	163	167	165	159

2012	2013	2014	2015	2016	2017	2018	2019	2020
145	138	137	123	127	116	113	105	107

2021	2022	2023	2024	2025	2026	2027	2028	-
116	123	-	-	-	-	-	-	-

1990- : población de dreito.
Fuent: Intercensal en l'INE, Series de población en l'INE y Relación d'unidaz poblacionals en l'INE.

Administración

Reparto de concellers

Eleccions municipals
Partiu	1979	1983	1987	1991	1995	1999	2003	2007	2011
Partido Popular									4
Partido de los Socialistas de Aragón									1
Total									5

Alcaldes

Lista d'alcaldes
Lechislatura	Nombre	Partiu politico
1979–1983	Plácido Pardo Esteban	UCD
1983–1987	Alfonso Aparicio Mateo	PSOE
1987–1991	Alfonso Aparicio Mateo	PSOE
1991–1995	Alfonso Aparicio Mateo	PSOE
1995–1999	Conrado Cortés Pardo	PAR
1999–2003	Ramón Gimeno Gil	Partido Popular
2003–2007	Ramón Gimeno Gil	Partido Popular
2007–2011	Ramón Gimeno Gil	Partido Popular
2011–2015	Ramón Gimeno Gil	Partido Popular
2015–2019
2019–2023
2023–2027	Francisco Narro Buj ^[2]	PP

Puestos d'intrés

Ilesia de Sant Mateo.
ermita de Sant Roque.
ermita de Sant Pavlo.
O pino de la Cepa, árbol monumental.
Ilesia de Sant Miguel, sieglo XVI.

Fiestas

Referencias

↑ ^1,0 ^1,1 (es) Antonio Ubieto Arteta: Historia de Aragón. Los Pueblos y los despoblados, I. Anubar ediciones, 1986. pp 332-333.
↑ (es) Consulta el listado de alcaldes que han sido proclamados en Aragón en Heraldo de Aragón.

Municipios d'a comarca Gúdar-Chabalambre
Abechuela \| Albentosa \| Alcalá de la Selva \| Arcos de las Salinas \| Cabra de Mora \| Camarena de la Sierra \| Lo Castellar \| Formich Susano \| Fuents de Rubielos \| Gúdar \| Linars de Mora \| Manzanera \| Mora de Rubielos \| Mosqueruela \| Nogueruelas \| Olba \| La Puebla de Valverde \| Puertomingalbo \| Rubiuelos de Mora \| Sant Agostín \| Sarrión \| Torrillas \| Valbona \| Val de Linars