Blas Joaquín Álvarez de Palma y Menéndez, naixiu de Xerez de la Frontera (Andalucía) o 29 de chinero de 1754 y muerto en Granada (Andalucía) 29 de noviembre de 1837[1], estió un relichioso andaluz que plego en a hierarchía eclesiastica dica o ran d'arcebispe y que estiço succesivament bispe titular d'Assuras (1798- 1801), bispe d'Albarracín (1801- 1802), bispe de Teruel (1802-1814) y arcebispe de Granada (1814-1837).[1]
Naixiu d'una familia pudient, fació la suya formación en primeras en a suya ciudat natal ta dimpués continar-los en a Universidat de Granada, licenciando-se-ie en Teolochía. Ocupó puestos como mosén en a suya localidat natal dica que o bispe Juan Díaz Guerra de Sigüenza (hue diocesi de Sigüenza-Guadalachara) lo clamó ta que colaborase con ell. Nombrau bispe titular d'Assuras o 17 de chunio de 1798, escomencipió dende alavez a suya carrera eclesiastica en a Ilesia Catolica.
Morió por malautía o 29 de noviembre de 1837 en Granada y o suyo cuerpo estió apedacau en a cripta d'a Seu de l'Encarnación de Granada.