Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
En morir o malauto Chuan I de Castiella o 9 d'octubre de 1390, o Consello de Rechencia abordó o tema d'o presunto hereu rei Henrique III de Castiella o Dolent, naixiu en octubre de 1379, d'once anyos y de su chermano l'infant Ferrando, que teneba ta par d'alavez diez anyos. S'alcordó que o chermano menor, o prencipe Ferrando, no podese contrayer matrimonio antis que su chermano o rei Henrique tenese os catorce anyos de edat. Alavez se le concederían as prerrogativas politicas y socials d'a mayoría d'edat.
Ta superar as diverchencias derivadas de l'asasinato d'o rei Pero I en marzo de 1369 por su chermano Henrique, os representants d'o clero, a nobleza, o estau d'os hidalgos y os comerciants, asinas como os representants de cuantas ciudatzcastellanas alcordoron que Henrique se casara con a nieta de l'asasinau Pero, naixida d'Anglaterra de mai castellana y filla d'o rei Pero. Y malas que o chermano mayor, Henrique III, cumpliera tals requisitos, se casaría o suyo chermano menor, o prencipe Ferrando, con una muller buena, honorable y rica.
Alionor y suyo mariu (que prenió o nombre de Ferrando I) fuoron coronaus reis d'Aragón en 1412 dimpués d'o Compromís de Casp. Ferrando I d'Aragón murió poco dimpués en l'anyo 1416, a os 36 anyos d'edat. Alionor, que teneba alavez 42 anyos d'edat, se retiró a Medina del Campo. En 1421 promulgó o suyo «Ordenamiento de Ferias» que sinyó como «la triste Reyna» por estar en aquella epoca os suyos fillos, os infants d'Aragón, prisioners d'os chenoveses, dimpués d'a Batalla de Ponza.
O Palacio Reyal de Medina del Campo, a on naixioron o suyo mariu Ferrando y os suyos fillos, fue transformau en o Convento de Santa María la Real. Astí, Alionor Urraca fue testigo d'os enfrentamientos d'os suyos fillos contra o partiu reyalista encabezau por Alvaro de Luna. Alionor perdió belunas d'as suyas posesions en beneficio d'iste zaguero.
A suya sepoltura se troba en o Convento de Santa María la Real de Medina del Campo, en una tumba simpla sobre o suelo. Tien una lapida de piedra de Toledo oscura, con o escudo reyal labrau en ella.
Matrimonio y descendencia
En 1394 Alionor, de bels vente anyos d'edat, se casó con su sobrinoFerrando que alavez tendría bels catorce anyos d'edat. Tenioron siet fillos.
↑ 1,01,1(es) "Historia de España de la Edad Media". Álvarez Palenzuela, V. Á. (coord.). 2008. Editorial Ariel, Barcelona. ISBN 978-84-344-6668-5. Pach. 916
.png)
