D Wältgsundhäitsorganisazioon (änglisch World Health Organization, WHO) isch e Sonderorganisazion vo de Veräinte Natione mit Sitz z Gämf. Si isch am 7. April 1948 gründet worde und het 194 Mitgliidsstaate. Si isch d Koordinazionsbehörde vo de Veräinte Nazione für s internazionale öffentlige Gsundhäitswääse.
Noch dr Verfassig vo dr Wältgsundhäitsorganisazioon isch s Ziil vo dr Organisazion alle Mensche s beste Gsundhäitsniwoo z gee, wo mööglig isch. Iiri Hauptufgoob isch gege Chrankhäite z kämpfe, mit em bsundere Schwerpunkt uf Infekzionschrankhäite, und die allgemäini Gsundhäit under de Mensche uf dr ganze Wält z fördere.[1]
Für iiri Erfolg sit iirer Gründig het d WHO 2009 dr Brinzässin-vo-Asturie-Briis in dr Kategorii Internazionali Zämmenaarbet überchoo.