Plateau de Diesse isch e politischi Gmeind im Verwautigs-Chreis Bärner Jura im Kanton Bärn, Schwyz. Si lyt uf em Tessebärg (französisch: Montagne de Diesse).
Gschicht
Uf dr 1. Jänner 2014 hei di vormalige Gmeinde Diesse, Lamboing u Prêles zur noie Gmeind «Plateau de Diesse» fusioniert. D Gmeind Nods hed sich zu me früechere Zitpunkt us em Fusionsprojekt zrüggzoge.
Ywohner
Mit 2118 Ywohner (Stang 31. Dezember 2022) ghört Plateau de Diesse zu de grössere Gmeinde vom Bärner Jura.
Sprach u Dialäkt
Dr alt frankprovenzalisch Patois vo de Dörfer uf em Plateau de Diesse isch wahrschynlech ir erschte Heufti vom 20. Jh. uusgstorbe.
Religion
Öpe zwö Drittu vo de Ywohner si evangelisch-reformiert, knap 20 % si römisch-katholisch.[2]
Politik
Bi de Nationauraatswahle 2015 het s das Ergebnis ggää:[2] BDP 4,3 %, CVP 1,5 %, EVP 2,0 %, FDP 8,3 %. glp 5,5 %, GPS 10,0 %, SP 28,9 %, SVP 32,6 %, EDU 3,8 %, PdA1,5 %.[3]
Dr Gmeindspresidänt vo Plateau de Diesse isch dr Raymond Troehler, wo voredhär Presidänt vo Prêles isch gsi (Stang 2015).
Wirtschaft
Z Châtillon, weschtlich vo Prêles und Diesse, ligt s Jugedheim Prêles, wo 1920 gründet worden isch u ab 2017 aus Uusschaffigsaastaut gnutzt wärde söu.
Vercheer
D Dörfer vo de Gmaind Plateau de Diesse sind mit Postauto erschlosse, wo vom Bahnhof La Neuveville us über Prêles, Lamboing uf Diesse und witer noch Nobs fahred.[4] E witers Vercheermittel isch d Standsailbahn (Standseilbahn Ligerz-Tessenberg LT) vo Ligerz (433 m) uf Prêles (818 m) ufe. Strosse häts vo La Neuveville uf Prêles, vo Lignières über Nobs noch Diesse, vo de Tubelochschlucht über Orvin noch Lamboing, und au vo Twann dur d Twannbachschlucht uf Les Moulins bi Lamboing ufe. Die Strecki isch allerdings nu för Fahrzüg bis 2,3 Meter Braiti erlaubt.
Weblink
Fuessnoote
- ↑ Ständige Wohnbevölkerung nach Staatsangehörigkeitskategorie, Geschlecht und Gemeinde, definitive Jahresergebnisse, 2022. Bei späteren Gemeindefusionen Einwohnerzahlen aufgrund Stand 2022 zusammengefasst. Abruf am 5. September 2023
- ↑ 2,0 2,1 Bundesamt für Statistik: Regionalporträts 2012: Kennzahlen aller Gemeinden (Site cha nüme abgrüeft wärde; Suche im Webarchiv)[1] [2] Vorlage:Toter Link/www.bfs.admin.ch, Mai 2012
- ↑ Resultate der Gemeinde Plateau de Diesse. (html) Staatskanzlei vom Kanton Bärn, 18. Oktober 2015, abgruefen am 17. April 2016.
- ↑ Galerie - PU FuniCar, Biel/Bienne uf de Website vo postautohalter.ch.vu
