Dr Louis Schittly isch uf em elterliche Burehof in Bärnwiler ufg'wachse. Als junge Arzt isch er anne 1969 im Uftrag vom Rote Chrüz nach Biafra gange, wo sech vo Nigeria het welle lööse. D Kriegsgräuel in Biafra hän en zsämme mit em Bernard Kouchner und andere zur Gründig vo Médecins Sans Frontières 1971 veralasst. Unter dr Leitig vom Malteser-Orde isch er drno zue n eme medizinische Iinsatz nach Vietnam, wo n er die riesige "Kollateral-Schäde" vo dr amerikanische Kriegsfiehrig für d Zivilbevölkerig kenneg'lehrt het. Die Kriegshandlige im Zsämmehang mit em sowjetische Iinmarsch in Afghanistan 1980 hän en drzue brocht, sich vor Ort für d medizinischi Versorgig vo dr afghanische Landbevölkerig iiz'setze. Drnoch het er bis 1996 als Arzt in siinere elsässiche Heimet praktiziert. Zsämme mit em Bernard Kouchner isch er 1996 in de Südsudan gange un isch ärztliche Verantwortliche für s Busch-Spital in Boma worde, speziell für d' örtlichi Organisation un d Rekrutierig vo emigrierte Fachkräfte isch er zueständig gsi. Dr Louis Schittly läbt jetzt mit siinere Familie in Bärnwiler.
Wärcher
L'homme qui voulait voir la guerre de près. Médecin au Biafra, Vietnam, Afghanistan, Sud-Soudan. Paris: Arthaud, 2011, ISBN 978-2-0812-5841-9
Fyirr et Nadala. Conte bilingue [Französisch/Elsässisch]. Mulhouse: Editions du Rhin, 1996, ISBN 2-86339-115-1
Näsdla ou Un automne sans colchiques. Roman à lire à voix haute. Editions Hortus Sundgauviae, 1976, ISBN 2-86339-011-2, Neuusgob Strossburj: La Nuée Bleue, 2013, ISBN 978-2-7165-0810-0. Dütschi Übersetzig: Näsdla oder Ein Herbst ohne Herbstzeitlosen. Roman, mit lauter Stimme zu lesen. Hamburg: tredition, 2019, ISBN 978-3-7482-1790-9
René Ehni, Louis Schittly: Die Hochzeit der Gudrun. 1. Auflage. Dianus-Trikont-Verlag, München 1981, ISBN 3-88167-052-1 (Originaltitel: Le mariage de Gudrun.).
La raison lunatique. [mit René Ehni]. Presses d'Aujourd'hui, 1978
Dä Artikel basiert uff ere fräie Übersetzig vu dere Version vum Artikel „Louis_Schittly“ vu de dütsche Wikipedia. E Liste vu de Autore un Versione isch do z finde.
Strategi Solo vs Squad di Free Fire: Cara Menang Mudah!
