Das isch d Lischte vo de Stadtpresidänte vo Gämf.
Dr Stadtpresidänt odr d Stadtpresidäntin isch die Person, wo sid’s di modärn Stadtverfassig vom Kanton Gämf git jewylen is Ampt vom Maire vo dere Stadt gwählt worden isch. Das het agfange, wo ane 1841 di radikaali Bewegigi vo dr Association du Trois-Mars under em Politiker James Fazy im Staat Gämf e Veränderig verlangt het:[1] das het d Kantonsverfassig vo 1842 ggää.
Maire de Genève isch gmäss em Gmeindgsetz vom Kanton Gämf dä oder die, wo d Sitzige vom Gämfer Verwaltigsroot, em Conseil administratif de Genève, leitet; das isch d Exekutive vo dr Stadt. Die wird all vier Joor nöi gwählt.
Es git drnäbe au no dr Stadtroot, dr Conseil municipal, wo d Legislative vo dr Stadtgmeind isch.
Z Gämf wird d Person, wo Maire isch, all Joor nöi bestimpt. Me cha gmäss em Rundi-Sischteem meh as eimol Maire wärde.
Ane 1968 isch d Lise Girardin, wo sid ane 1962 im Gämfer Grossroot gsi isch, as erschti Frau i das Ampt choo, und si isch do gad au di erschti Schwiizer Stadtpresidäntin und spöter dän di erschti Schwiizer Ständeröötin gsi.