Hans und Annemarie Hubacher

d Gwächshüüser vom Botanische Garte z Züri

Dr Hans Hubacher und d Annemarie Hubacher sind es Architäktepaar vo Züri gsi.

Dr Hans Otto Hubacher isch am 18. Septämber 1916 z Oberhofen am Thunersee uf d Wält cho und am 11. Mai 2009 z Züri gstorbe; d Annemarie Hubacher-Constam isch e Zürcherin gsi; si isch am 25. März 1921 z Züri uf d Wält cho und dört am 8. Juli 2012 gstorbe.

Beidi händ a dr ETH Züri d Architäktur studiert. 1945 isch ires eigeten Atelier z Züri uufgange.

Hauptwäärch vos Hubachers i dr Region Züri sind d Gwächshüüser vom Botanische Garte, s Strandbad Mythequai am Zürisee und d Wohnüberbouig Rietholz.

D Annemarie Hubacher isch d Scheffarchitäktin vo dr Schwiizerischen Uusstellig für Frauenarbet SAFFA z Züri ane 1958 gsy.

en Uuswahl vo irne Wärch

• d Diasporachile, Hergiswil NW, 1947
• Huussildig, Zolike, 1952
• s Landhuus Reinhart, Winterthur, 1952
• s Landhuus Farner, Stäfa, 1953
• ires eigete Woonhuus, Züri, 1954
• s Strandbad Mythequai, Zürich, 1954
• d Primarschuel im Hofacker, Schliere, 1955
• d Diasporachile, Schwyz, 1956
• die refermierti chile Zolikerbärg, Zolikerbärg, 1960
• d Wohnsidlig Rietholz, Zolikerbärg, 1961
• s Schüelerheim Heimgarte, Bülach, 1962
• dr Fridhof Eichbühl, Züri, 1964
• s Hotel Atlantis, Züri, 1970
• s Sporthotel Stoos, Stoos, 1977
• d Schau- und Gwächshüüser im Botanische Garte Züri, 1977
• s Völkerkundemuseum z Züri, 1980
• s Kurhotel, Bad Zurzach, 1985
• d Schwiizer Botschaft z Brasília, 1986
• s Parkhotel, Bad Zurzach, 1987

Literatur

• Dagmar Böcker: Hubacher, Hans. In: Historisches Lexikon vo dr Schwiiz.
• Dagmar Böcker: Hubacher-Constam, Annemarie. In: Historisches Lexikon vo dr Schwiiz.
• Monika Lauber: Hans und Annemarie Hubacher. In: Isabelle Rucki und Dorothee Huber (Hg): Architektenlexikon der Schweiz – 19./20. Jahrhundert. S. 281. Basel: Birkhäuser 1998. ISBN 3-7643-5261-2