Dr Friedrich Ludwig, änglisch Frederick Louis oder Frederick Lewis, (* 31. Januar 1707 z Hannover; † 20. Märzjul./31. Märzgreg. 1751 im St. James’s Palace) isch dr eltisti Soon vom Georg II. vo Groossbritannie und däm sinere Frau Caroline vo Brandeburg-Ansbach gsi.
Wo dr Georg I. vo Groossbritannie gstorbe isch, isch dr Friedrich Ludwig as Kurbrinz und Fürst vo Wales dr Zwäit in dr britische und hannoversche Droonfolg worde. Er het denn no z Dütschland gläbt und si Vater het en 1728 uf London brocht. Er het d Augusta vo Sachse-Gotha-Alteburg ghürootet, und er isch dr erst Hannoveraner gsi, wo mä dehäi nume Änglisch gschwätzt het[1].
Dr Friedrich Ludwig isch 1751, nüün Joor vor sim Vater, gstorbe. Si Soon Georg isch Droonfolger worde. In Groossbritannie erinneret mä sich an dr „Prince Frederick“ as Förderer vo de Künst.