Dr Roos isch z Kamp am Rhy as ais vu dryzeh Chinder vun ere kadolische Räbbuurefamilie uf d Wält chuu. Är isch z Boppard, Weilburg un Hadamar uf d Schuel gange un het nocherdani z München un z BonnTheology studiert. In dr Zyt vu sym Studium het er syni Ferine bi dr Redemptorischte vum Chloschter Bornhofen verbocht, dr erscht Orde, wu si no dr Säkularisation im Bischtum Limburg nidergloo het. Är isch uf d s Prieschterseminar Limburg gange un het am 22. Augschte 1853 z Limburg s Sakramänt vu dr Prieschterwei empfange. Im Aaschluss het er as Kaplan z Frankfurt am Main, Ransel un Oberlahnstein gschafft. Anne 1856 isch er Bfaarer z Hochheim wore. Är isch arg sozial engaschiert gsii un het derfir gsorgt, ass si z Hochrhein d Gmainschaft vu dr Arme Dienschtmägd vu Jesu Christi (Dernbacher Schweschtere) aagsidlet hän, wu do in dr Hauptsach in dr Bfläg gschafft hän.
Anne 1860 isch er vum Bischof Peter Josef Blum zum Sekretär bstellt wore. Är het no au as Domvikar un Stadtkaplan gschafft un as Subregens un speter as Regens vum Prieschterseminar. Im Johr 1868 isch er Stadtbfaarer vu Limburg wore un dodermit Mitglid vum Domkapitel. Ab 1864 isch er Brofässer fir Paschtoraltheology z Limburg gsii. Dr 1856 grindet Kontakt zue dr Gmainschaft vu dr Dernbacher Schweschtere – dr erschte Gmainschaftsgindig vum Bischtum – het Bstand ghaa. Dr ehmolig Superior vu dr Schweschtere un domolige bischeflige Kommissar Johann Jakob Wittayer isch anne 1881 gstorbne. Dodruf isch dr Roos dr Bischefli Kommissar fir d Schweschtere bis zue syre Bischofswahl wore. In däre un in syre spetere Funktion het er si seli gferderet.
Am 19. Februar 1885 isch er as Noofolger vum Peter Josef Blum zum Bischof vu Limburg bstimmt un am 27. Merz im nämige Johr vum Papscht Leo XIII. bstetigt wore. D Bischofsweih het em am 17. Mai 1885 dr Bischof vu Fulda, dr Georg von Kopp, gspändet; Mitkonsekratore sin dr Daniel Wilhelm Sommerwerck, dr Bischof vu Hildesheim, un dr Michael Felix Korum, dr Bischof vu Trier, gsii.
Am 2. Juni 1886 isch er zum fimfte Erzbischof vu Fryburg bstellt un am 27. Juli vum nämlige johr vum Papscht Leo XIII. bstetigt wore. Indronisiert woren isch er am 21. Septämber 1886. Är het sy Lorenz Werthmann mit uf Fryburg gnuu. Dert het dr Roos d Grindig vu dr Caritas aagregt, as offiziölle Grinder giltet hite dr Werthmann.
Klaus Schatz: Geschichte des Bistums Limburg. Mainz 1983.
Christoph Schmider: Die Freiburger Bischöfe: 175 Jahre Erzbistum Freiburg. Eine Geschichte in Lebensbildern. Herder Verlag, Freiburg i. Br. 2002, ISBN 3-451-27847-2.
Dä Artikel basiert uff ere fräie Übersetzig vu dere Version vum Artikel „Christian_Roos_(Bischof)“ vu de dütsche Wikipedia. E Liste vu de Autore un Versione isch do z finde.
Strategi Solo vs Squad di Free Fire: Cara Menang Mudah!
