D Burg Steineck, au Steinegg, Burgholz oder Neuestei gnännt, isch e abgangeni Burg bi Raitbach, eme Ortsdeil vu dr Stadt Schopfe im Landchreis Lörrach z Bade-Wirttebärg. Si isch uf eme bewaldete Biel sidlig vum Steinighof gläge. D Burg Steineck isch di eschtligscht vu dr Burge z Raitbach.
Vu dr ehmolige Burgaalag sin hite nume no gringi Räscht erhalte. D Burg wird vor em 18. Johrhundert niene erwähnt, und wohrschiins isch si scho in de Mitti vom 19. Johrhundert widder abgrisse worde. De Burgruine Burgholz in de Nöchi hätt mer lang au Steineck gsait,[1] so dass e gwissi Verwechsligsgfoar bstoht.