Dr Boris Brejcha (* 26. Nowamber 1981 z’ Ludwigshààfa-n-àm Rhii) ìsch a diitscher DJ un Müüsikprodüzänt. Sii Müüsikschtil bschribbt’r salbscht àls „High-Tech Minimal“.[1] Bii da Konzärta trajt’r oft a veneziànischa Màska.[2]
Dr Boris Brejcha-n-ìsch ànna 1981 z’ Ludwigshààfa-n-àm Rhii-n-uff d’ Walt kumma. Ar schtàmmt üss Frànkathàl ìn dr Pfàlz.
Wu-n-’r säcks Joohra àlt gsìì-n-ìsch, ìsch dr Brejcha àls Züaschàuijer àm Flugtààgsunglìck vu Ramstein dur Verbrännunga schwar verlätzt worra.[3] Noch hìtt trajt’r Nàrwa vum Unglìck àm Gsìcht.[1] Waga da Nàrwa-n-ìsch’r ìn dr Schüal üüssglàcht worra un hàt numma weeniga Frììnda ghàà. Ar hàt àlso vìel Zitt àllai verbràcht un hàt sìch friahj fìr Müüsik begaischtret.[4] Sitter siina Kìnderjoohra schpìelt’r Schlààgzigg un Kiibord; ìn dr Schüal hàt’r äbb säcks Moneeta làng Schlààgzigg ìn’ra Grupp gschpìelt.[5]
Schpeeter hàt ìhm a Klàssakàmrààd a Plàtta vu dr nìederlandischa Hardcore-Techno-Konzärt Thunderdome gbràcht; mìt dàs hàt dr Brejcha daa Müüsikgenre äntdäckt.[6] Ìm Àlter vu zwälf Joohra hàt’r ààgfànga, siina aigena eläktroonischa Müüsik z’ prodüziara. Àm Ààfàng hàt’r vor àllem Trance gmàcht.
Waga siim näija Zittvertriib ìsch dr Brejcha nìmm ìn d’ Schüal gànga. Ar hàt drnooh a Üüsbìldung vum Kàuifmànn gmàcht. Gschàfft hàt’r z’äärscht hàlbtààgs bii dr Telekom Diitschlànd —ar hàt àlso vìel Zitt ghàà, fìr Müüsik schpìela.[7]
Ànna 2006 hàt’r siina baida Sìnggel Monster un Yellow Kitchen biim Label Autist Records loo veräffentliga. Ìm saalwa Joohr hàt’r àls DJ biim Festival Universo Paralello ìm Bràsilia gschpìelt. Sitterhar ìsch’r ìmmer mìt’ra Fàsnàchtsmàska uff dr Szääna gsìì.[1] Ain Joohr schpeeter ìsch’r vu dr Zittschrìft Raveline àls „Üüsnààhmtàlant 2007“ ärnännt worra; dàs ìsch sii Üüssbruch ìn dr Eläktro-Szääna gsìì.
Ànna 2015 hàt dr Brejcha sii aigena Müüsiklabel, Fckng Serious, grìnda. Naawa-n-ìhm sìnn d’ Müüssikànta Deniz Bul, Ann Clue, Moritz Hofbauer un s’ Düätt Theydream bii dam Label unter Vertrààg gsìì.
Ìm Brejcha siina Müüsik ìsch z’äärscht ìm Süüdàmerikà bekànnt gsìì. Ar ìsch àwwer àui ìm Öiropà bekànnt worra, nohdam àss’r ànna 2017 vor’m Schloss Fontainebleau ìm Frànkrììch gschpìelt hàt.[2] S’ Video vum Konzärt, wo d’ Müüsikplàttform Cercle veräffentligt hàt, hann mehr àss 35 Millioona Züaschàuijer glüagt (Schtànd: Mai 2022). D’ Plàttform hàt àui ìm Jüüni 2019 a Video vum Brejcha siim Konzärt ìm Grand Palais z’ Pàriis veräffentligt, un vum Konzärt ìn da Arènes de Nîmes ìm Mai 2022.[8]
Ànna 2021 ìsch ìm Brejcha sii zeehnt Àlbum Never Stop Dancing üssagànga.[9] Ìm gliicha Joohr ìsch dr Brejcha àm Plàtz 42 vum „Top 100 DJs“ vu dr britischa Zittschrìft DJ Magazine gsìì.[10]
Z’ Morlaix ìn dr Bretagne ìsch a Gebäi mìt’m Porträä vum Brejcha mìt siinera Màska gmoolt.[11]