Dr Bahnhof Basel St. Johann isch eine vo de säggs Bahnhöf uf em Gebiet vo dr Stadt Basel. Er befindet sich im Santihans-Kwardier in dr Nööchi vo dr Nordtangänte und wird zurzit vo dr SBB brucht.
Wil er schlächt an s Bahnnetz aabunden isch und s dorum wenig Zugverkehr im Bahnhof het, het er dr Ruef vom ene Gäisterbahnhof. Sit Aafang 2009 isch dr Bahnhof aber mit ere Haltstell vor em Hauptgebäud diräkt an s Dramnetz (Linie 1 und 21) vo dr BVB aagschlosse und sit em Septämber 2009 halten 18 zuesätzligi S-Bahn-Züüg im Bahnhof Basel St. Johann. D Zuglinie goht vo Basel SBB in Richdig Saint-Louis/Mülhuuse und chunnt noch öbbe fümf Minute am Bahnhof St. Johann aa.
Gschicht
1840 isch d Däilstrecki Mülhuuse-Saint Louis vo dr Iisebahnlinie vo Stroossburg uf Basel, wo d Compagnie du chemin de fer de Strasbourg à Bâle baut het, iigweiht worde, und bis 1841 sich dr französisch Däil vo dr Linie fertig gsi. S het denn no drei Johr brucht für die letschte baar Kilometer bis zur Basler Stadtmuure und für s Iisebahndoor, und denn het dr Archidekt Friedrich uf em Schällemättli in dr Stadt sälber non e Bahnhof müesse baue. Es het dört e Remiise gha für d Lokene und en anderi für d Wääge, s Depoo isch z Saint Louis bliibe. Gege s Ändi vo 1845 isch dr erst Santihans Bahnhof iigweiht worde. 1860 isch er e Durchgangsbahnhof worde, wo d Zuuglinie bis zum Bahnhof vo dr Schwizerische Centralbahn verlengeret worden isch.
Dä Artikel basiert uff ere fräie Übersetzig vum Artikel „Bahnhof_Basel_St._Johann“ vu de dütsche Wikipedia. E Liste vu de Autore un Versione isch do z finde.
Strategi Solo vs Squad di Free Fire: Cara Menang Mudah!
