PROFILBARU.COM

D Aurelia Julia Sophia Burckhardt (* 27. Dezämber 1974 z Bärn) isch e Schwyzer Reschiseeri, Schauspiileri un Kulturmanageri.

Lääbe

Dr Vater vu dr Aurelia Burckhardt isch dr Schwyzer Hischtoriker Andreas Burckhardt gsii, iri Mueter Annamaria Regazzoni isch e iteläänischi Dolmetscheri. Si isch mit ire Familie in dr Schwyz ufgwachse.^[1] No dr Schuel isch d Aurelia Burckhardt ab 1994 uf s Konservatorium vu dr Stadt Wien gange.^[2] Zuesätzli het si ne Danzuusbildig bi T-Junction z Wien gmacht, em Vorlaifer vum Tanzquartier Wien. Vu 2004 bis 2006 het si bim Wiener Danz- un Performance-Verain Im_flieger as Kuratori un in dr Finanze gschafft.

Vu 2005 bis 2007 het d Burckhardt Engaschmänt as Schauspiileri am Schauspielhuus Wien ghaa. Si isch vu 2006 bis 2010 Ensemblemitgliid vum Wiener Performancekollektiv Theatercombinat unter dr Laitig vu dr Claudia Bosse gsii. E Nääberoll as Nunne im Spiilfilm Lourdes (2009) unter dr Reschy vu dr Jessica Hausner isch ire Yystand as Filmschauspiileri in eme Kinofilm gsii, wu anderi Rolle druf chuu sin. Si isch Dail vu dr european film conspiracy mit internazionaal erfolgryyche Film wie Soldate Jeannette wie au WINWIN.

Vu 2009 bis 2010 het d Burckhardt e Kulturmanagement-Leer an dr Universiteet Wien absolviert.^[2] Si duet Chinschtler*ne bi Uusstellige in Musee verdrätte, wie zem Byschpel em MAK un em Kunsthistorische Museum oder in Galerie wie zs art oder dr Galerie Lukas Feichtner z Wien.

Si läbt mit irem Mann un irem Suun (* 2002) z Wien.

Filmografy

2001: inner amok
2008: Past Forward
2008: Das Spiel ist aus
2009: Lourdes
2010: Sleeping Perv Is World Famous for 5 Minutes
2012: Annamaria (Reschy, Draaibech, Produkzioon)
2013: Im Augenblick. Die Historie und das Offene
2013: Mein blindes Herz
2013: Soldate Jeannette
2013 99 Cahaya di Langit Eropa
2016: Abschied vom Burschen
2016: WiNWiN
2017: casa dov´è? (Reschy, Draaibech), produziert fir stark + vernetzt
2019: Kaviar
2020: re-GEO/ristrutturare qualcosa, Essayfilm vu dr Michaela Schwentner
2020: Die Farbe des Chamäleons
2022: re-BIRDING vu dr Michaela Schwentner

Weblink

Commons: Aurelia Burckhardt – Sammlig vo Multimediadateie

Aurelia Burckhardt in dr Internet Movie Database
d Aurelia Burckhardt uf castforward.de
d Aurelia Burckhardt uf filmmakers.de
d Aurelia Burckhardt uf schauspielervideos.de

Fueßnote

↑ Andreas Burckhardt. Andreas Burckhardt Stiftung, abgruefen am 12. Mai 2016.
↑ ^2,0 ^2,1 Aurelia Burckhardt. Swiss Films, abgruefen am 24. Januar 2023.

Dä Artikel basiert uff ere fräie Übersetzig vu dere Version vum Artikel „Aurelia_Burckhardt“ vu de dütsche Wikipedia. E Liste vu de Autore un Versione isch do z finde.