Olimpiese Somerspele 1920

Spele van die VIIe Olimpiade

Gehou in Antwerpen, België Deelnemende lande 29 Nasionale Olimpiese Komitees Deelnemende atlete 2 626 (2 561 mans, 65 vroue)[1] Items 156 in 22 sporte[2] Openingseremonie 20 April 1920 Sluitingseremonie 12 September 1920 Amptelik geopen deur Koning Albert I van België[3] Atlete-eed Victor Boin (skermsport) Beampte-eed – (sedert 1972) Olimpiese vlam – (sedert 1936) Vorige Spele 1916: Berlyn (Duitsland) Volgende Spele 1924: Parys (Frankryk)

Die Olimpiese Somerspele 1920 (Frans: Les Jeux olympiques d'été de 1920), amptelik bekend as die Spele van die VIIde Olimpiade, het van 20 April tot 12 September 1920 in Antwerpen, België, plaasgevind. Die Spele is aan België toegeken om te vergoed vir die erge lyding wat die Belgiese volk tydens die Eerste Wêreldoorlog verduur het. Atlanta, Amsterdam, Boedapest, Cleveland, Havana, Lyon en Philadelphia het ook gevra om die Spele aan te bied.^[4] Lyon trek egter hulle nominasie terug voor die stemmery. Atlete vanuit 29 lande het aan die Spele deelgeneem. Duitsland, Oostenryk, Hongarye, Bulgarye en Turkye is nie genooi nie. Rusland bly weg omdat dit deur 'n burgeroorlog verskeur is.

Die Olimpiese Stadion in Antwerpen tydens die Olimpiese Somerspele 1920

Die Spele was nie 'n reuse sukses nie. Die hoë toegangsgelde het die publiek afgeskrik. 'n Toegangskaartjie het byvoorbeeld 3 frank gekos, 'n baie hoë prys vir daardie tyd. Dit was nie net die hoë pryse nie, maar slegte weer hou ook die toeskouers weg. Die organiseerkomitee aanvaar skuld hiervoor, maar weier enige verdere uitgawes, selfs die publikasie van 'n gedenkboek van die Spele.

Sporte

Daar is in 22 Olimpiese sportsoorte in 156 dissiplines tydens die Spele meegeding. Tydens die Spele is 156 goue medaljes oorhandig. Daarbenewens is wedstryde in een demonstrasiesport beslis.

• Atletiek (29)
• Boks (8)
• Boogskiet (10)
• Fietsry
  • Baan (4)
  • Pad (2)
• Gewigoptel (5)
• Gimnastiek (4)
• Kunsskaats (3)
• Moderne vyfkamp (1)
• Polo (1)
• Roei (5)
• Rugby (1)
• Ruitersport
  • Dressuur (2)
  • Driefasekompetisie (1)
  • Spring (2)
  • Veelsydigheid (2)
• Seilvaart (14)
• Skermsport (6)
• Skyfskiet (21)
• Sokker (1)
• Stoei
  • Grieks-Romeins (5)
  • Vrystyl (5)
• Tennis (5)
• Toutrek (1)
• Veldhokkie (1)
• Watersport
  • Sierduik (5)
  • Swem (10)
  • Waterpolo (1)
• Yshokkie (1)

• Korfbal is as demonstrasiesport aangebied.

Stadions

Lugbeeld van die Olimpiese Stadion in Antwerpen tydens die Olimpiese Somerspele 1920

Die Palais de Glace d'Anvers is vir kunsskaats en yshokkie opgerig

17 sportplekke is tydens die Olimpiese Somerspele 1920 gebruik:

Stadion	Sporte	Kapasiteit
Antwerpen	Fietsry (pad)	Nie gelys nie
Antwerpen-dieretuin	Boks, Stoei	Nie gelys nie
Beerschot Tennisklub	Tennis	Nie gelys nie
Kamp van Beverlo	Skyfskiet (pistool/geweer)	Nie gelys nie
Meerkanaal Brussel–Schelde	Roei	Nie gelys nie
Buiten Y (Amsterdam)	Seilvaart (12 vt-sloep)	Nie gelys nie
Tuine van die Egmontpaleis (Brussel)	Skermsport	Nie gelys nie
Hoogboom Militêre Kamp	Skietsport (lokvalskiet, hardloopteiken)	Nie gelys nie
Jules Ottenstadion (Gent)	Sokker (Italië–Egipte-wedstryd)	Nie gelys nie
Nachtegalenpark	Boogskiet	Nie gelys nie
Olimpiese Stadion Antwerpen	Atletiek, Ruitersport, Veldhokkie, Sokker (eindstryd), Gimnastiek, Moderne vyfkamp, Rugby, Toutrek, Stoei	30 000
Oostende	Polo, Seilvaart	Nie gelys nie
Palais de Glace d'Anvers	Kunsskaats, Yshokkie	Nie gelys nie
Joseph Marienstadion (Brussel)	Sokker	Nie gelys nie
Seevaartstadion Antwerpen	Sierduik, Swem, Waterpolo	Nie gelys nie
Broodstraat-stadion	Sokker	Nie gelys nie
Vélodrome d'Anvers Zuremborg	Fietsry (baan)	Nie gelys nie

Deelnemende lande

Kaart van deelnemende lande in 1920:

   Neem vir die eerste keer deel

   Het reeds vantevore deelgeneem

     Gasheerstad Antwerpen

Hier volg 'n alfabetiese lys van al die Nasionale Olimpiese Komitees wat deelgeneem het. Die aantal atlete per land word in hakies aangedui:

•  Argentinië (1)
•  Australië (13)
•  België (336)
•  Brasilië (21)
•  Brits-Indië (5)
•  Chili (2)
•  Denemarke (154)
•  Egipte (22)
•  Estland (14)
•  Finland (63)
•  Frankryk (304)
•  Griekeland (57)
•  Italië (174)
•  Japan (15)
•  Joego-Slawië (12)
•  Kanada (53)
•  Luxemburg (25)
•  Monaco (4)
•  Nederland (113)
•  Nieu-Seeland (4)
•  Noorweë (194)
•  Portugal (13)
•  Spanje (32)
•  Suid-Afrika (39)
•  Swede (260)
•  Switserland (77)
•  Tsjeggo-Slowakye (121)
•  Verenigde Koninkryk (235)
•  Verenigde State (288)

•  Newfoundland het een atleet, Eric Robertson, gestuur, maar omdat die dominium geen amptelike Olimpiese komitee gehad het nie, kon sy nasionaliteit nie bevestig word nie, en het hy die Verenigde Koninkryk verteenwoordig.^[5]

Suid-Afrikaanse deelname

Die hoofartikel vir hierdie afdeling is: Suid-Afrika by die Olimpiese Spele.

Die Suid-Afrikaner Bevil Rudd tydens die Olimpiese Somerspele 1920

Clarence Walker wen die goue medalje in boks in die kapokgewigafdeling. Henry Kaltenbrunn wen silwer in die fietsrypadtydtoets terwyl Suid-Afrika silwer in die tandem-2000 m wen en brons in die 4000 m spankompetisie.

Suid-Afrika wen ook silwer in die 600 m skietkompetisie terwyl Louis Raymond en Charles Winslow goud en brons onderskeidelik in die tennisenkelspel wen.

In atletiek wen Bevil Rudd goud en brons in die 400 m en 800 m en Suid-Afrika wen silwer in die 400 m mansaflos.

Aantal medaljes

Een van die 154 (identiese) goue medaljes wat by die Spele van die VII Olimpiade toegeken is

Hier is die top tien lande wat medaljes by die Spele verower het:

Plek	Land	Deelnemers	Goud	Silwer	Brons	Totaal
1	Verenigde State (USA)	288	41	27	27	95
2	Swede (SWE)	260	19	20	25	64
3	Verenigde Koninkryk (GBR)	235	15	15	13	43
4	Finland (FIN)	63	15	10	9	34
5	België (BEL)	336	14	11	11	36
6	Noorweë (NOR)	194	13	9	9	31
7	Italië (ITA)	174	13	5	5	23
8	Frankryk (FRA)	304	9	19	13	41
9	Nederland (NED)	113	4	2	5	11
10	Denemarke (DEN)	154	3	9	1	13
11	Suid-Afrika (RSA)	39	3	4	3	10

Verwysings

1. "Factsheet – The Games of the Olympiad" (PDF) (in Engels). Internasionale Olimpiese Komitee. Desember 2017. Geargiveer (PDF) vanaf die oorspronklike op 23 Desember 2018. Besoek op 3 Maart 2018.
2. "Factsheet – The Programme of the Games of the Olympiad" (PDF) (in Engels). Internasionale Olimpiese Komitee. Oktober 2017. Geargiveer (PDF) vanaf die oorspronklike op 22 April 2020. Besoek op 3 Maart 2018.
3. "Factsheet – Opening Ceremony of the Games of the Olympiad" (PDF) (in Engels). Internasionale Olimpiese Komitee. 11 Januarie 2018. Geargiveer (PDF) vanaf die oorspronklike op 25 Desember 2018. Besoek op 3 Maart 2018.
4. "Past Olympic host city election results" (in Engels). GamesBids. Geargiveer vanaf die oorspronklike op 10 November 2018. Besoek op 3 Maart 2018.
5. Dohey, Larry. "Newfoundland and Labrador at the Olympics". Archivalmoments.ca (in Engels). Geargiveer vanaf die oorspronklike op 9 November 2018. Besoek op 3 Maart 2018.

Verdere leesstof

• (en) David Wallechinsky (2004). The Complete Book of the Summer Olympics, Athens 2004 Edition. SportClassic Books. ISBN 978-1-894963-32-9.
• (en) Bijkerk, Anthony T. (2004). "Pierre de Coubertin". In John E. Findling, Kimberly D. Pelle (red.). Encyclopedia of the Modern Olympic Movement. Greenwood Publishing Group. ISBN 0-313-32278-3. OCLC 52418065.
• (de) Volker Kluge (1997). Olympische Sommerspiele. Die Chronik Teil 1. Athen 1896 – Berlin 1936. Berlin: Sportverlag. ISBN 3-328-00715-6.
• (en) Roland Renson (1996). The Games Reborn. The VIIth Olympiad Antwerp 1920. Antwerpen: Pandora. ISBN 9789053250518.

Eksterne skakels

Wikimedia Commons bevat media in verband met Olimpiese Somerspele 1920.

• (en) Antwerp 1920 Olympic.org. Internasionale Olimpiese Komitee.
• (en) Resultate en medaljewenners Olympic.org. Internasionale Olimpiese Komitee.
• (en) Amptelike verslag van die Olimpiese Somerspele 1920
• (en) Olympics 1900 to 1920

	Olimpiese Spele
Olimpiese Somerspele: 1896  • 1900  • 1904  • 1906*  • 1908  • 1912  • 1916  • 1920  • 1924  • 1928  • 1932  • 1936  • 1940  • 1944  • 1948  • 1952  • 1956  • 1960  • 1964  • 1968  • 1972  • 1976  • 1980  • 1984  • 1988  • 1992  • 1996  • 2000  • 2004  • 2008  • 2012  • 2016  • 2020  • 2024  • 2028  • 2032 Olimpiese Winterspele: 1924  • 1928  • 1932  • 1936  • 1940  • 1944  • 1948  • 1952  • 1956  • 1960  • 1964  • 1968  • 1972  • 1976  • 1980  • 1984  • 1988  • 1992  • 1994  • 1998  • 2002  • 2006  • 2010  • 2014  • 2018  • 2022  • 2026  • 2030  • 2034 Internasionale Olimpiese Komitee – Nasionale Olimpiese Komitee (*) Die spele van 1906 is deur die IOK georganiseer, maar word nie amptelik deur die IOK erken nie.