Die sesde FIFASokker-Wêreldbekertoernooi (Sweeds: Världsmästerskapet i Fotboll – Sverige 1958; Engels: FIFA World Cup) is vanaf 8 tot 29 Junie 1958 in Swede aangebied. Dit was die eerste Sokker-Wêreldbekertoernooi wat in Swede aangebied is en die vierde in Europa.
Die Jules Rimet-trofee waarom meegeding is
16 nasionale sokkerspanne het aan die FIFA Sokker-Wêreldbekertoernooi in 1958 deelgeneem. Die spanne is in vier groepe verdeel, waarvan die twee beste spanne van elke groep na die uitklopfase deurgedring het. Brasilië het die trofee gewen nadat hulle die gasheer Swede met 5–2 in die eindstryd geklop en sodoende hul eerste wêreldbekertitel ingepalm het. Frankryk het in die derde en die verdedigende kampioen Wes-Duitsland in die vierde plek geëindig.
Die Suid-Afrikaanse nasionale sokkerspan het nie aan die toernooi deelgeneem nie omdat hulle nie ’n lid van FIFA was nie. Die nasionale sokkerspanne van Noord-Ierland, die Sowjetunie en Wallis het vir die eerste keer aan ’n Sokker-Wêreldbekertoernooi deelgeneem.
Tydens die FIFA Sokker-Wêreldbekertoernooi in 1958 het die Franse Just Fontaine 13 doele aangeteken, meer as enige ander sokkerspeler tydens een enkele Sokker-Wêreldbekertoernooi. Dié toernooi word ook vir die destydse 17-jarige Brasiliaanse Pelé se internasionale debuut onthou.
Toewysing
Swede is op 23 Junie 1950 in Rio de Janeiro, net voor die FIFA Sokker-Wêreldbekertoernooi in 1950 in Brasilië, deur FIFA gekies as die gasheer vir die FIFA Sokker-Wêreldbekertoernooi in 1958. Daar was geen ander land wat homself as kandidat beskikbaar gestel het nie.[2]
Kwalifisering
Die gasheer Swede en die verdedigende kampioen Wes-Duitsland het regstreeks vir die FIFA Sokker-Wêreldbekertoernooi in 1958 gekwalifiseer. Van die 14 oorblywende plekke is nege vir nasionale sokkerspanne van UEFA (Europa) gereserveer, drie vir CONMEBOL (Suid-Amerika) en een vir CONCACAF (Karibiese gebied, Noord- en Sentraal-Amerika). Een plek is tydens ’n uitspeelwedstryd tussen AFC (Asië) en CAF (Afrika) beslis.
Nóg Afrikalande nóg Asiatiese lande het daarin geslaag om vir dié toernooi te kwalifiseer.
Die 1958-toernooi is tot dusver die enigste Sokker-Wêreldbeker waarvoor elkeen van die vier lande van die Verenigde Koninkryk gekwalifiseer het, naamlik Engeland, Noord-Ierland, Skotland en Wallis.
Kwalifiserende spanne
Die volgende 16 spanne het vir die finale toernooi gekwalifiseer:[3]
Uitslag van die kwalifisering:
Geen deelname
Land het homself onttrek of is nie deur FIFA aanvaar nie
Die FIFA Sokker-Wêreldbekertoernooi in 1958 is oor 22 dae tussen 16 verskillende nasies oor 35 wedstryde uitgespeel. Dit het op 8 Junie 1958 op die Råsunda-stadion in Solna met ’n wedstryd tussen die gasheer Swede en Meksiko afgeskop. Die toernooi het geëindig by dieselfde stadion op 29 Junie met die eindstryd tussen Swede en Brasilië, waartydens Brasilië die Jules Rimet-trofee ingepalm het.[4]
Kalender
Die FIFA Sokker-Wêreldbekertoernooi in 1958 se wedstrydskedule word tydens die loting bepaal
Die volgende tabel dui die FIFA Sokker-Wêreldbekertoernooi in 1958 se daaglikse program aan. ’n Pers blokkie dui op wedstryde tydens die groepfase, ’n groen blokkie op wedstryde tydens die uitklopfase, ’n blou blokkie op die bronseindstryd en ’n geel blokkie op die eindstryd.
Aantal daaglikse wedstryde tydens die toernooi
Groepfase Junie
So 8
Ma 9
Di 10
Wo 11
Do 12
Vr 13
Sa 14
So 15
Ma 16
Di 17
Wo 18
Groep 1
2
2
2
1
Groep 2
2
2
2
Groep 3
2
1
1
2
1
Groep 4
2
2
2
1
Uitklopfase Junie
Do 19
Vr 20
Sa 21
So 22
Ma 23
Di 24
Wo 25
Do 26
Vr 27
Sa 28
So 29
Uitklopfase
4
2
1
1
Legende
Groepwedstryde
Uitklopfase
Derde plek
Eindstryd
Groepfase
Die FIFA Sokker-Wêreldbekertoernooi in 1958 is deur 16 nasionale sokkerspanne uitgespeel. Vir die groepfase is die 16 deelnemende spanne in vier groepe van vier spanne elk verdeel; elke span het een wedstryd teen elk van die ander spanne in dieselfde groep gespeel, dus het elke span drie wedstryde in die groepfase gespeel. Twee punte is vir ’n oorwinning toegeken, een vir ’n gelykop en geen punte vir ’n nederlaag: as twee of meer spanne gelyk op punte was, is afhangende van die situasie uitspeelwedstryde ingespan.
Klassifisering binne elke groep was gegrond op die volgende puntestelsel:
Twee wedstrydpunte vir ’n oorwinning;
Een vir ’n gelykop;
geen vir ’n nederlaag.
Aan die einde van die groepfase is die spanne gerangskik van die eerste na die vierde posisie, gegrond op versamelde wedstrydpunte, met die twee top spanne wat na die kwarteindrondte deurgedring het. As twee spanne gelyk op punte was, is die rangorde deur hul aantal aangetekende doele bepaal, as die tweede en derde span gelyk op punte was, moes hulle in ’n uitspeelwedstryd teen mekaar speel.
Uitklopfase
Van die begin van dié fase af het die toernooi ’n uitklopformaat aangeneem wat uit agt wedstryde bestaan het: vier kwarteindstryde, twee halfeindstryde, ’n derdeplekwedstryd en die eindstryd.
Die wenner en naaswenner van elk van die groepe het na die uitklopfase deurgedring. Groepwenners het teen naaswenners in ander groepe in die kwarteindstrydwedstryde gespeel, byvoorbeeld: die wenner van Groep 1 het teen die naaswenner van Groep 2 en die wenner van Groep 2 het teen die naaswenner van Groep 1 gespeel. Spanne van dieselfde groep sou dus eers weer in óf die klein finale óf die eindstryd kon ontmoet het.
Elke wedstryd in die uitklopstadium moes met ’n oorwinning vir een van die spanne eindig. As daar ná negentig minute van gewone spel ’n gelykopuitslag was, is daar verder gespeel om die wenner te bepaal. Aanvanklik is daar twee periodes van ekstra tyd gespeel, 15 minute in elke rigting. As daar steeds nie ’n wenner was ná 120 minute nie, is die wenner deur ’n lot bepaal. Die eindstryd sou ná ’n gelykopuitslag die daaropvolgende dag herhaal word en eers daarna sou dit deur ’n lot beslis word.
Wedstryde
Kwalifiseer vir die kwarteindrondte.
Uit die toernooi geskakel.
Die wedstryde is in twee fases opgedeel, naamlik die groep- en die uitklopfase. Die loting is op 8 Februarie 1958 in die Cirkus Television Studios in Stockholm gehou.
Groepfase
16 spanne het aan die groepfase deelgeneem. Die boonste twee spanne in elke groep het na die uitklopfase deurgedring.
In 1986 het FIFA ’n verslag gepubliseer waarin al die deelnemende spanne van elke Sokker-Wêreldbekertoernooi insluitende die destydse FIFA Sokker-Wêreldbekertoernooi in 1986 geranglys is volgens vordering in die toernooi, algehele resultate en kwaliteit van die meedinger.[5][6] Die ranglys vir die 1958-toernooi is soos gevolg:
Deelnemende spanne volgens ranglys:
Kampioen
Tweede plek
Derde plek
Vierde plek
Kwarteindrondte
Groepfase
Geen deelname
Gasheerland SwedeGilmar, Vicente Feola en Hilderaldo Bellini saam met die Wêreldbekertrofee
.svg){kind=small}
.svg){kind=small}
.svg){kind=small}
.svg){kind=small}
.svg){kind=small}
.svg){kind=small}
.svg){kind=small}
.svg){kind=small}
.svg){kind=logo}
