Bylaag

'n Bylaag of 'n bylae is aanvullende materiaal aan die einde van 'n boek, artikel, dokument of ander teks, gewoonlik van 'n verklarende, statistiese, of bibliografiese natuur.

Bylaag vs bylae^[1]

Kollega Kobus Bergh doen navraag oor bylaag vs. bylae. Wat is die korrekte vorm vra hy?

Dis maklik: beide is korrek. Bylaag (en sy meervoudsvorm bylae) asook bylae (en sy meervoudsvorm bylaes) word altwee gebruik – en ook erken in standaardbronne – om aan te dui dat ʼn stuk, geskrif of dokument bygevoeg word by ’n ander dokument, dus as Bylaag A of Bylae A, ens. As sodanig is hierdie vorme dan wisselvorme. Gebruikers van hierdie vorme maak dit moeilik vir hulleself deur nie konsekwent te wees in hulle eie gebruik van dié vorme nie. My raad is daarom: kies een vorm en bly konsekwent daarby. Dan sal daar nie verwarring ontstaan nie.

Addendum vs. Bylaag

• Addendum: Latere toevoeging
• Bylaag: Dit is nie 'n latere byvoeging nie, maar addisionele inligting wat nie deel vorm van die hoofinhoud van die dokument nie, maar wat die hoofinhoud beter verduidelik.

Dikwels word "addendum" egter gebruik met dieselfde betekenis as "bylaag".

Kyk ook

• Addendum

Verwysings

1. Taalwenk 36

Eksterne skakels

• Wikiwoordeboek het 'n inskrywing vir bylaag.