სომალი (არაბ. الصومال), ედომუშამი ოფიციალური ჯოხოდვალა სომალიშ რესპუბლიკა (სომალ. Jamhuuriyadda Soomaaliya, არაბ. جمهورية الصومال) — სახენწჷფო აფრიკას, სომალიშ ჩქონს. ქიანას ოორუე-ბჟადალშე უხურგანს ჯიბუტი, ობჟათე-ბჟადალშე - კენია, ოორუეშე უხურგანს ადენიშ ჸუჯი, ნამუშ საშუალებათ ქიანა მითმიარსხუ იემენს, ბჟაეიოლშე სომალს უხურგანს ინდოეთიშ ოკიანე, ბჟადალშე - ეთიოპია. სომალიშ რელიეფი თარო აკმოდირთუ რზენეფშე დო ზურგეფშე.[1] სომალიშ ტერიტორიაშ უდიდაში ნორთი იდვალუაფუ კინე თე ჯოხოდვალაშ ჩქონს, მახორობაშ უდიდაშ ნორთის აკმადგინანა სომალარეფი.
სომალიშ ტერიტორიას ოხორუეფი უჯვეშაში ბორჯიშე არსებენდჷ. შქა ოშწანურეფშე თე ტერიტორია მუსლიმანური სახენწჷფოეფიშ აკმადგინალი ნორთი რდჷ. მოგვიანეთ უკვე თე ტერიტორიას ბრიტანეთიშ იმპერია აკონტროლენდჷ. 1960 წანას მოხვადჷ სომალიშ ზოხორინალაშ გჷმოცხადაფაქ, გვალო თიმ წანას აკიართიანჷ ბრიტანულ სომალილენდიქ დო იტალიურ სომალილენდიქ. მოგვიანეთ ქიანას დემყარჷ ოურდუმე მართუალაქ. 1991 წანაშე 2000 წანაშა, ქაინას ვა არსებენდჷ ოერეფოშქაშეთ აღიარაფილი თარობა.
1991 წანაშე თე სახენწჷფოს ომენოღალე ლჷმა მეურს, სომალს შხირას მუთმოხვადუ თარობეფიშ თირუა. ქიანაშ მუზმარენ რეგიონს აკოქიმინელი რე აკანური თარობეფი, ნამუთ ზოხორინალას უზიმუანა. თინეფშე ეიოშანალი რე ქიანაშ ოორუეშე მადვალუ სომალილენდი.
პროვინციეფი
![]()
სომალიშ პროვინციეფი
სომალი ირთუ 19 პროვინციათ (gobolka):
ხვილაფა: რეგიონეფი, ნამუთ შანილი რე (*), მუშითაღიარაფილი სომალილენდიშ რესპუბლიკა მუშ ტერიტორიათ კოროცხუნს.
სქოლიო
ვიკიოწკარუეს
? რე ხასჷლა თემაშენ:
.svg)
