Simwès

La S'mwas

Simwès (dirî voyale : Smwès^[1]; fr: Semois^[2] u Semoy^[3], de: Sasbach, lussimbordjwès d' après Årlon Setzbaach), c' est ene grosse aiwe del Walonreye et d' France, 210 km longue.

Ele prind sourd e Payis d' Årlon pu passe el Gåme pu e l' Årdene, pu endè va so France, la k' ele si tape e Mouze a Montermé.

E Payis walon, les viyaedjes metous al dilongue di Smwès sont lomés li Rivadje. Les cis metous pus hôt, c' est les Hôteurs (la-minme, les Yôteurs).

• 
  A Tchespire
• 
  «Tombe di l' Adjeyant» (Frôhan)

Ele prind sourd nén lon erî d' Årlon, pu va e payis Gåmet, et cori a Etale, Tintni, Djamogne, Tchini, Floravile, Tchespire). Drola, ele si lome Simwès somrinne (Hôte Simwès).

Adonpwis, d' Arbûmont, Dôhan a Bouyon, ele fwait frontire inte li payis walon eyet l' payis Gåmet.

Djus d' Bouyon, on djåze del Simwès djuzrinne (Basse Simwès). Ele raiwe Pouphan (droete erive), Rotchô (d.), Frôhan (hintche erive), Yåle (h.), Mouzaive (h.), Li Foret (h.).

Après l' Foret, ele passe e payis tchampnwès: Vresse, Mimbe, Bôhan, wice k' ele mousse e France ås Rivires. Après, ele bagne co Nohan et Tîlai, po s' aler egoliner e droet costé d' Mouze a Montermé, 10 km djus del frontire.

Les aiwes ki vnèt agoliner e Smwès:

• Rule (so droete erive, a Tintnî)
• Viere (so droete erive, a Djamogne).
• Rixhea Sint-Djhan (so droete erive, ås Rivires).

I gn a so les cmons Wikipedia des imådjes ou fitchîs son a vey avou Smwès .

1. ↑ Ehåyî rfondaedje tot-z eployant l' no sins årtike; l' uzaedje corant e 20inme sieke, c' esteut d' dire et scrire «la S'mwas».
2. ↑ e l' Beldjike
3. ↑ e l' France