Lisa Chastelet

Lisa Chastelet, c' est l' no d' pene da Élisa Wathelet, u Élisa Meynaerts-Wathelet. Ele tchoezixha di s' lomer "Chastelet" pask' ele provneut d' Tcheslet. Mins ele shuva si ome a Marcour, et scrijha tot notant l' accint di ç' viyaedje la.

C' est ene sicrijheuse e walon k' a scrît des powezeyes eyet des contes foû-naturels. Ces-ci parexhît, aprume dins l' colleccion Disfinse et Metaedje e Valeur do Lingaedje do Payis d' Lidje dizo l' tite : E l' Årdene al shijhe.

C' est dins cisse coleccion la k' elle eplaida des ratournaedjes di powezeyes da Yannis Ritsos, k' ele translatéve direk do grek modiene å walon.

Ele fourit relîte dins les antolodjeyes :

• Limes (1992)
• Scrire (1994)
• Paroles d' oyi (1994)
• Fåves kî pout (El Bourdon, 1995)
• Scrijheus d' Årdene (2002)

Di s' mestî, elle esteut musicyinne. C' est po ça k' les corwaiteus des belès letes e walon djåzèt todi del muzike ki soude di ses scrijhaedjes.

Elle a moussî ås Relîs Namurwès e 1977.^[1]

• «Choix de poèmes de Yannis Ritsos», tome I & tome II (Disfinse et Metaedje e Valeur do Lingaedje do Payis d' Lidje diviè 1983)
• «E l' Årdene al shijhe (floricontes)» (È l’Ardène a l’ size), contes po ptits et grands efants, (Disfinse et Metaedje e Valeur do Lingaedje do Payis d' Lidje, 1983)
• «Pervintche» (Les Cayés Walons, 1986)
• «Roter dzo les stoeles (powinmes)» (Roter d’zos lès steûles), (SLLW, 1990).
• «Rimeas del dierinne fwin» (Rîmês dol dièrin-ne fwim) (La Dryade, Vierton, 1993).
• «Variations sur thème joie-douleur», powezeyes e francès, pu ratournêyes e walon (La Dryade, Vierton, 1996).

• Si pådje so l' Aberteke
• Li Wiccionaire si rsieve di sacwantès fråzes da Lisa Chastelet po-z enimådjî des mots k' i gn a.
• Vos trouvroz des racsegnes so les ouves da Lisa Chastelet, u les ouves zeles-minmes, sol Wikisourd e walon.

1. ↑ Émile Gilliard, « 1950. Pacifique révolution chez les Rèlîs », dins Joseph Dewez, Jean Germain, Émile Gilliard et Bernard Louis, Le Centième anniversaire des Rèlîs namurwès, Lidje, SLLW, col. Memwere walone lº 14, 2011 (ISBN 978-2-930505-10-7), p. 33.