Contene

Ene contene, c' est on rime-rame d' efant po-z aprinde les chifes et les nombes.

Li cene d' après ni va ki disk' a 8, dandjreus paski l' påpåd tént les deus pôces del grande djin, ki lyi mostere les doets onk a onk

Gn aveut-st on côp onk :
Il estént zels deus
ki s' batént zels troes
come cwate tchéns.
C' esteut cénk droles, va,
ces shijh la.
Si l' setinme n' arivéve nén,
li ûtinme li stronnéve.^[1]

C' est ene contene foirt kinoxhowe. Gn a sacwants modêyes, di diferinnès coines del Walonreye. Ele ni vont ki disca 20. Mins des scrijheus k' i gn a end ont scrît des rawetes disca 40 u 50.

	"Onk et deus" dit pa Batisse Frankinet et …

Onk et deus, Djhan l’ peneus
Troes et cwate, pelêye makete^[2]
Cénk et shijh, i mousse si tchmijhe
Set et ût, i djowe del flûte
Nouv et dijh, il est e l' five^[3]
Onze et doze, i rote a crosse
Traze et catoize, i fåt k’ i passe
Cwénze et saze, fåt k’ i rapasse
Di-set et dijh-ût, il a l’ tiesse cûte
Dijh-nouv et vint, i fåt k’ i s’ pinde.

…Et vo l' la pindou
Pal pea do cou.

	"Onk et deus" riscrît et dit pa Arthur Schmitz

Onk et deus, dj' a veyou l' leu;
Troes et cwate, dj' a veyou s' pate;
Cénk et shijh, i meteut si tchmijhe;
Set et ût, i djowéve del flûte;
Nouv et dijh, i gn aveut del bijhe.
Onze et doze, il aveut l' tosse;
Traze et catoize, il aveut l’ rôze;^[4]
Cwénze et saze, i meteut ses tchåsses;^[5]
Di-set et dijh-ût, i magnive ene trûte
Dijh-nouv et vint, il aveut må l' vinte.

Shûte : Tecse vaici (so l' Aberteke)

Onk et deus, dj' a veyou l' leu;
Troes et cwate, dj' a veyou s' pate;
Cénk et shijh, i meteut si tchmijhe;
Set et ût, i djouwéve del flûte;
Nouv et dijh, i gn aveut del bijhe.

Onze et doze, il aveut l' kéntosse;
Traze et catoize, i moussive e poice;
Cwénze et saze, c' est la k' i passe;
Di-set et dijh-ût, i criyive gnayûte;
Dijh-nouv et vint, il aveut må s' vinte.

21 & 22, i n' aveut nén peu
23 & 24, i rlavéve si djate
25 & 26, i rivneut del shijhe
27 & 28, si boûsse esteut vude
29 & 30, i beveut ene pinte

31 & 32, ratokéve si feu
33 & 34, la k' i modeut s' gade
35 & 36, rivneut del falijhe
37 & 38, i magnive ene trûte
39 & 40, il aléve vey si matante

41 & 42, i fjheut l' grandiveus
43 & 44, i tchessive si cate
45 & 46, i rifjheut ene prijhe
47 & 48, si tchå esteut cûte
49 & 50, si mame est vayante^[6]

Ôte modêye di "onk et deus, dj' a veyou l' leu" (so l' Aberteke)

1. ↑ Sovnance di djonnesse da L. Mahin.
2. ↑ Rimaedje coinrece: cwète / makète
3. ↑ Rimaedje coinrece: dîf / fîfe
4. ↑ rimaedje coinrece catôⁿrze / rôⁿze.
5. ↑ rimaedje coinrece sâze / tchâsses.
6. ↑ Foirdjî pa Lucyin Mahin avou l' aidance da Souzane Mahin.