Compost Binde

Compost Binde (rwalnijhî e « Composs Binde »^[1]), c' est ene binde di tchanteus e walon.

C' est Bernard Mirlon k' a bråmint fwait l' cåzaedje et l' muzike des prumirès plakes.

• «Oufti» (1995); li fjheu d' plake si loméve avou on no walon: disques Kitvou (ki t' vous).
• dobe sitroete plake: «Hop» (1996) et «Ké novele ?» (1997)
• «Evoye» (diviè 2010), avou des nouvès tchansons («Grand-pere est ecolo»), et des rprinjhes come «Pårlaedje congolès» da François Loriaux

Come li no del binde el dit bén, c' est des tecses ki n' sont nén pikés des viers. Li såme, c' esteut di fé rire sins aconter l' «oniestruté» dujhåve des tchansons e walon do 20inme sieke.

Dins sacwantès tchansons («Mårtén å Congo», ci n' sereut nén pår politicmint comifåt avou les idêyes des anêyes 2020.

Li motlî est pacô trop calké sol francès («Batea-moxhe»), mins des ôtes feyes, avou des beas rcweraedjes di vîs mots walons (awè les frumjhons, esse rifondou come a Boufiou).

Loukîz a : Corwaitaedje Pire Otdjåke Li Rantoele l° 5, 1997.

Mårtén å Congo

Cwand dj' a intré sôdård, dj' a siné on papî,

Po ndaler å Congo avou m' cuzén Louwis.

Tcherdjîs come des bådets, on a prins l' avion.

Dj' î a stî foirt malåde et dj' a rnådé nouv côps.

Arivé dé les negues, dj' esteu fén frexh di tchôd;

Dji tronnéve come ene foye et dj' aveu les frumjhons

Dji cachive après l' air come fwaiynut les pexhons;

T' åreus cût des oûs dins mi scançon.

• Pådje avou l' cåzaedje di kékès tchansons (so l' Aberteke)

1. ↑ Displouctaedje des trokes di cossounes å coron di «Compost»