André Chauvaux
André Chauvaux (skepyî li 28 di decimbe 1926, e Cerfontinne ; moirt li 16 di måss 2018, e Brinne-l'-Alou[1]), c' esteut onk des doetoes del soce
| Skepiaedje | 28 di decimbe 1926, Cerfontinne |
|---|---|
| Moirt | 16 di måss 2018, Brinne-l'-Alou |
| Activités | scrijheu |
André Chauvaux (skepyî li 28 di decimbe 1926, e Cerfontinne ; moirt li 16 di måss 2018, e Brinne-l'-Alou[1]), c' esteut onk des doetoes del soce «Les Foyons d' Cerfontinne», et l' eplaideu d' leu gazete e walon (L'Acadèmîye dès FOYANS d' Cèrfontène).
Il a eto aidî a l' adjinçnaedje do Franwal di Cerfontinne.
Onk di ses tecses sol Bouroundi a rpassé dins l' Rantoele-gazete e 2015.
Istwere
Il aveut fwait ses sgondaires al atenêye di Chimai, pus al atenêye d' Sougniye padvant d' awè on bachelor des comerciåles syinces eyet consulaires a Mont, e 1951. APrès awè stî sôdård pindant deus anêyes, il aveut stî e-n Afrike come adjint teritoriå å tins del Rwanda-Ouroundi. Ès voyaedje aveut duré 23 djoûs (batea, trén, eyet pa l' aiwe). Cwand i rivna e l' Beldjike, li Congo-Kinchassa s' aveut dislaxhî. Èn an après, i rala e-n Afrike, e Catanga come mwaisse di scole. I finixha s' cårire come analisse des finances po ene banke afrikinne, la k' i bouta deus anêyes å long.
Pindant sacwantès anêyes, il a bråmint ovré po « l’Acadèmîye dès foyans d’Cerfontène », u « Cercle Arthur Balle ». Il aveut cherbiné po rindjî 7.000 fitchîs scrîts pa ene ekipe di bénvlants. Finålmint, il a-st eplaidî li « Dictionnaire français-wallon de Cerfontaine », ene situde avou 393 pådjes A4 so deus colones, avou 22 pådjes d' anecse di codjowaedje, di pus. I gn' a bråmint d' egzimpes didins, come po li mot francès-cåzant gifle k' on pout tradure, e Cerfontinne, pa 9 mots :
- alape (etimolodjeye : latén <=> alapa)
- bafe
- calote
- mârgnoufe
- ...
Dispoy li prepozucion francès-cåzante à a 93 definitions come : à l'aise (belote, sorlon "pyame-pyame"), obén : à plus forte raison (abèle), jusqu'à zona (cingue di feu) u co zut (bross ouchî). Ci dierin mo walon, scourté på oniestruté, est ossu sovint uzé come çoula ås Estats Unis eyet dins l' minme sinse.
Il a scrît sacwants pådjes di sovnis cwand il esteut djonne dins les Cahiers du Musée : « La 1ère Unité scoute en 1943 » (n° 104, 2003) et « Souvenirs d’un Cerfontainois dans les années 1930 » (n° 176, 2017).
Bibiografeye
André CHAUVAUX Dictionnaire français-wallon de Cerfontaine, cahier du Musée de Cerfontaine n° 94, 415 pages, 2010.
Hårdêyes difoûtrinnes
Li Wiccionaire si rsieve di sacwantès fråzes da André Chauvaux po-z enimådjî des mots k' i gn a.
Sourdants
- ↑ lete di moirt (årtchive), avec ene foto d' l' ome
Content Disclaimer
Informasi ini disarikan dari Wikipedia dan disajikan kembali untuk tujuan edukasi. Konten tersedia di bawah lisensi CC BY-SA 3.0. Kami tidak bertanggung jawab atas ketidakakuratan data yang bersumber dari kontribusi publik tersebut.
- The information displayed on this website is sourced in part or in whole from Wikipedia and has been adapted for the purpose of restating it. We strive to provide accurate and relevant information, however:
- There is no guarantee of absolute accuracy. Wikipedia is an open, collaborative project that can be edited by anyone, so information is subject to change.
- It is not intended to constitute professional advice. The content displayed is for informational and educational purposes only. For important decisions (e.g., medical, legal, or financial), please consult a professional.
- Content copyright. Wikipedia is licensed under the Creative Commons Attribution-ShareAlike License (CC BY-SA). This means that content may be reused with appropriate attribution and shared under a similar license.
- Responsible use. Any risk arising from the use of information from this website is entirely the responsibility of the user.