Azerbaidžanan kel'

Azerbaidžanan kelen levigandusen kart

Azerbaidžanan kel' (ičeze nimituz: Azərbaycan dili) om üks' türkižiš kelišpäi.

Se om Azerbaidžanan valdkundkel' (10 mln eläjid). Pagižijoiden ühthine lugu om 25..30 millionad ristituid. Üks' regionaližiš kelišpäi Dagestanas (Venäma). Äi azerbaidžanlaižid elädas Iranan i Gruzijan lähižiš agjoiš, Turcijan i Venäman järedoiš lidnoiš.

Kelen reguliruindorganzacii om Azerbaidžanan Rahvahaline Tedoakademii, sen Kelentedon institut Nasimin nimed (Baku). Nügüdläine kirjankel' sündui Bakun i Šemahin paginoiden alusel.

Ümbrikirjutand

Azerbaidžanan kirjkelen päversii om latinan kirjamišton pohjal. Ottas kävutamižhe kirillicad Venäman Dagestanas i arabišt kirjkel't Iranan territorijal.

Azerbaidžanan kel' om agglütinativine sintetine. Kuz' vai seičeme kändod. Vaihištos om äi velgsanoid iranižiš kelišpäi i arabizmid, jäl'gmäižed ličiba kirjankel'he keskaigan.

Lugusanad

• bir — üks'
• iki — kaks'
• üç — koume
• dörd — nell'
• beş — viž
• altı — kuz'
• yeddi — seičeme
• səkkiz — kahesa
• doqquz — ühesa
• on — kümne
• iyirmi — kaks'kümne
• otuz — koumekümne
• qırx — nell'kümne
• əlli — vižkümne
• yüz — sada
• min — tuha

Frazad

• Salam! – Tervhen!
• Sənin adın nədir? – Kut sindai kuctas?
• Haradansan. – Kugalaine oled?
• Harada yaşayırsan? – Kus sinä eläd?
• Sağol! / Görüşərik! – Nägemižhesai! / Nägemoiš!
• Çox sağ ol! / Sağ olun. – Sur' spasib! / Kitän.

Homaičendad