El Lago de Tùnixi (in arabo البحيرة, El Bahira) el xe na łaguna naturałe, situada tra ła cavedałe de ła Tunixia e el Golfo de Tùnixi (Mar Mediterraneo). El łago coerxe 37 km², ła so profondità ła xe estremamente poca. Sto anbiente el xe el porto naturałe de Tùnixi.
Storia
Vista sol łago 1846Cartołina rełativa al łago 1900
El cołegamento Tùnixi-Cartàxene el jera tanto inportante par i Romani par tegner de ocio el rentrotera fèertiłe, quindi sti qui i ga costruìo na diga a traverso el łago. Ła diga ła vien doparà uncoi come autostrada par automobiłi e treni par cołegare Tùnixi al porto de La Goulette e a łe sità costiere de Sidi Bou Said e La Marsa. Dovudo a ła continua rivada de sedimenti al lago durante el secoło XIX el łago sevitava a inpenirse, cussida che łe forse cołoniałi fransexi łe ga scavà un canal łongo 10 km, łargo 450 m e profondo 6 m.
Ła parte Nord del łago ła include l'ixoła de Chikly, un tenpo sede de na rocaforte spagnoła; ora invesse ła xe na reserva naturałe (dal 1993).
