El sangue el xe un tesuo de conesion flùido contegnuo inte i vaxi sanguigni dei , da ła conpoxision miga sénplise, chel fa parte de ła più granda categoria dei tesui conetivi.
L'agetivo chel se riferise al sangue, "emàtego", el vien fóra dal grecoαἶμα, αἴματος (haima, haimatos), chel signìfega propio "sangue", méntre el nome vèneta dal łatinsanguen, sanguinis, che vol dir ła stésa roba.
El sangue el xe un łìquido roso rubin (arterióxo) o róso-viołaseo (venóxo); el costituise a ocio el 7% del péxo del corpo, el ga na viscoxità a ocio magior de 4 volte de queła del'acqua, un péo spesìfico de 1,041-1,062 kg/m³, na tenperadura de 37-38 °C e un pH (a łiveło arterioxo) de 7,38-7,42. el xe formà par el 55% da na parte łìqueda, dita plasma, e par el 45% da na parte corpuscołada, costituìa da sèłułe o framénti de sèłułe (vałóri indicativi par un ómo san). Ła grandésa dei ełeménti corpuscołai del sangue el xe dito ematòcrito.
Parte del sangue
El plasma el xe fato in gran parte da aqua, al 90%, daspò ghe so proteine e altre sostanse orgàniche (come urea, grasi, ecc.) e sostanse inorgàniche (ioni metàłisi, amonìaca, ecc.)
