Ła Repùblega de Zènoa (Repúbrica de Zêna, /ɾe'pybɾika de 'ze:na/ in ligure, Res publica Genuensis o Ianuensis in latin; ufisialmente dal 1528Compagna Communis Ianuensis e fin al 1580Serenisima Repùblega di Zènoa) ze stà na republega marinara, ezistente dal 1099 al 1797, che gavea come cavedałe ła sità de Zènoa.
Durante ła so storia di oltre sete secołi, Zènoa ga stabilìo diverse cołonie atraverso el Mar Mediterraneo e el Mar Negro, alcune de ese son state costituìe diretamente soto el patrocinio dełe autorità deła Republega par sostener l'economia dei marcanti łocałi, mentre altre son nate come posedimenti feudałi de nobiłi zenoezi. Ła cołonizasion zenoeze ze considerà l'antesedente medievałe deła cołonizasione moderna.
Dal 1339 fin a l'estinsion deło stato intè'l 1797, ła masima carega deła Republega zera el Doze, inisialmente eleto co carega perpetua, ma dopo el 1528 ze stà eleto co carica bienałe. In realtà, parò, ła Republega zera n'ołigarchia governà da un picoło grupo de fameje, dale cuałi venivan selti i dozi.
