I Pionbi i xe ła parte sototeto de łe vecie prexon de Venesia, che łe se cata inte el conpleso del Palazo Ducałe.
Łe risałe al XI secoło, quando al sorgere de ła republica marinara el Consejo dei Diexe el ghe rancurava i so prixonieri, inisialmente detenui inte na a ła de l'antico casteło, po inte el Trexento łe xe sta spostae inte on novo pleso separà dal casteło dal çełebre Ponte dei Sospiri.
Inte l'ubicasion del Palazo Ducałe łe cełe łe zera ripartie in pozi, ubicà al pian tereno, particołarmente umide e malsane, e camaroti o pionbi, posti subito soto el teto del palazo costituio da łastre de pionbo, da cui el nome.
A ghe xe sta inprexonà personagi famoxi, intrà i cuałi Giordano Bruno, Silvio Pellico, Daniele Manin, Nicolò Tommaseo e Giacomo Casanova; st'ultimo el ga dà ai Pionbi na vasta notorietà poiché łi ga descriti inte łe so "Memorie" e sopatuto 'nten "Storia de quando ca so scapà dai Pionbi", łasandose detaji de ła strutura e de łe modałità detentive e el ne ga cuntà come che el xe riusio a scapare inte el 1756. Ma forse l'aspeto pì intaresante de ła descrision caxanoviana el xe queło rełativo a l'organizasion carceraria del tenpo.
I detenuti i gaveva l'asistensa medica, i podeva farse portar da magnare da l'esterno o ordinarlo al carceriere e i godevano anca de on'asegnasion in schei par łe picołe necesità. Co st'ultima i podeva dare comision al carceriere el cuałe el doveva rendare conto. I podeva anca farse portar mobiłi e łeti, piati e cusì via. Łe pułisie de ła ceła łe zera fate regołarmente cusì come a zera consentia na pasejata quotidiana fora da ła ceła, ma senpre inte el sototeto. Tuto questo avegneva a ła metà del '700 inte i camaroti. Casanova el descrive de fuga anca ła situasion inte i cusiditi pozi, situasion asai pezor par chi ca ghe zera sarà drento. Probabilmente a ghe zera na notevołe discresionałità non soło inte l'irogasion de ła pena ma anca inte łe modałità executive.
