La marina de guera o armada el ze el servìsio armà incargà de ła defeza de un paeze par mare o par tera. Par sta motivasion łe òpara co desfadori, fregae, corase, nave faro, remorchiatori, dragamine, nave de asalto anfìbie e racuante co portaèrei, sotomarini e mini-sotomarini. Łe detien anca un'aviasion navałe, na forsa de infantaria marina doparada par oparasion anfìbie, mezi de comunicasion, inmaestramento, etc., oltre che tuto el so personałe, sia miłitare che siviłe.
Tipi de ła marina
In sta clasifegasion, cadauni dei vari livełi el include el liveło scrivesto presedentemente.
Co marina de guera: ła saria cueła che òpara co nave in mare o in fiumi e laghi navegàbiłi. se bè che ła sia ła pì sénplega, ła ze na decizion costoza e ła dimanda no solché nave, ma anca porti, struture de restaurasion e personałe speciałizà. Par sta motivasion no tuti i paezi del mondo i połe par davero contare su na marina (siben-ché i gàpia na costa o fiumi e laghi navegàbiłi).
Co l'aviasion navałe inbarcada: ła dimanda de desponer de na portaèrei (de un tipo o de l'altro), che ła aumenta ciaramente ła speza, ponesto-ché łe ze costoze da zestir e mantegnere. Inte el mondo no se riva contar gnanca 10 nasion co sta capasità cuà.
Co forsa anfibia: el ze gavesto da łe Marine pì potenti del mondo. Ła ga bizogno, no solché de ła capasità aèrea, ma anca de ła capasità de trasportare un grando nùmaro de trupe (zeneralmente vàrie miłiari de soldai), co veìcułi de ogni tipo (conprendesti mezi corasai e ełicòtari), armarle e refornirle de tuto cheło che i ojeti e sojeti i ga bizogno par vìver e adénpiar ai so gaveri in mision. Tante nasion i ga nave de asalto anfìbie e corpi dei marine, ma no i ga portaèrei par fornire covertura, de consevensa no łe ze veramente forse anfìbie. Sta capasità ła ze detegnesta solché da un grupo de 8 nasion inte el mondo.
Le forse prinsipałi inte el mondo
Toła de conparasion de łe 10 prinsipałi marine miłitari da guera (2014)[1]
