El Lago Leman, o Lago de Zenevra, in lengua franzese: "Lac Léman" o "Lac de Genève", el xe el pì grando łago de ł'Eoropa osidental e el se cata al confin tra la Svisera, indove a se cata el 60% de ła superficie (582,4) e ła Fransa, indove se cata el restante 40% (234 km²).
El spechio de aqua el ga na forma slongada, tipega de un lago giazzal subalpin, a meza luna in direzion est-ovest co la concavità verso ła sponda meridional, queła fransexe.
El Lago Leman, divixo par na iregołarità inte ła forma visin Yvoire in "Grand lac" a est e "Petit lac" a ovest, el xe formà da łe aque del Rodano, el so major imisario e emisario, e el ga avudo orixine al termine de ł'ultima giazzazion, zerca 15 000 ani fa.
Etimolosia e denominazion
El "lac Léman" el xe vegnù fora par scrito intorno al 50 a.C. col nome de orixine greca "lemanè limnè" o "lemanos limnè". Sto nome el xe sta doparà anca da Giulio Cesare che, inte el 58 a.C. el xe partio da "Genava" e dal "lacus lemanus" par combatare i Elveteghi. Co ło sviłupo de ła cartografia, i nomi i se ga moltiplicà: "lacu lausonio", "lacus losanetes" o oncora "lac de Lozanne" (tra el II secoło e el IV secoło).
Come conseguensa de ła fama cresente de Ginevra, el nome "lac de Genève" (łago de Ginevra) ła apare e ła coexiste coi termini existenti (XVI secoło). In st'epoca, el łago de Ginevra ł'indica el Petit-Lac (Picoło-Lago) (79 km²) e el "lac de Lausanne" (łago de Łoxana) (503 km²) ł'indica el Grand-Lac. Col pasar del tempo, el łago de Łoxana el xe sconparso e el nome de łago Lemano el xe sta adotàd dai Savojardi, Valdexi e Vałexani. Sto nome el xe xenerałisà inte łe carte ziogràfeghe e completa pareci nomi de posti che i se cata łongo ła riva savojarda del łago (Maxilly-sur-Léman, Chens-sur-Léman, etc.). El nome del Lemano, particołarmente de moda durante ł'iłuminismo e durante ła Rivołusion fransexe e el Primo Inpero, el xe sta doparà da autori come Jean-Jacques Rousseau o Voltaire e el serviva da prestanome al vecio dipartimento del Lemano che el ragrupava el nord de ła Savoja, el pays de Gex e Ginevra.
Clima
Anca se el se cata in montagna, el łago, a cauxa de ła masa d'aqua che el contien, el crea inte el teritorio sircostante on microclima. In inverno, el łago el dà indrìo el całor imagazinà durante ł'istà.
Tutavia, in inverno, quando a se verificà de łe particołari condision climàteghe — aria seca freda e stagnante in alta e mèdia atmosfera — ł'umidità pì calda che ła se alsa dal łago, łs ristagna e łs se trasforma in nebbia che ła pol ristagnar anca do o tre setimane.
.svg)
