La Zuita (La Zuita in ladin dolomitan, Monte Civetta in talian) la xe un grupo partegnente a le Dolomite, situà inte la Provinzia de Belun.
La separa la Val Zoldana da la Val Cordevole e la fa da cornise al carateristego paeset de Alie.
Descrizion
Al lado a nord-ovest la xe caraterizada da na inpressionante parede vertical co un deslivelo de pì de 1000 metri e na longhezza de cerca 4 km, intra la "cima Su Alto" e la "Tore Coldai". La xe chiamada inte l'anbiente alpinistico "la parede de le parede", su la qual core algune famosissime vie, intra le quai la Solleder-Lettembauer, la Philip-Flamm, la via dei 5 de Valmadrera e altri itinarari de dificoltà alpinistica elevada.
A 200 metri da la veta, sul lado zoldan, sorze el refuso Torrani. A nord del grupo, vicin al monte Coldai ghe xe el Refuzo Sonino al Coldai, al centro, sul versante aliese, el Refuzo Tissi.
