PROFILBARU.COM

Kee Marcello
	;
Biografia
Nasimènto	(sv) Kjell Hilding Löfbom ; 20 de febraro del 1960 (64 ani); Ludvika (Svèsia) (it)
Atività
Ocupasion	muzisista, chitarista
Atività	1975 –
Menbro de	Easy Action (it)
Zènare	Rock duro
Instrumento muzicałe	Chitara
Sito web	keemarcello.com

Kee Marcello, pseudònemo de Kjell Hilding Lövbom (Ludvika, 20 febraro 1960), el ze un ghitarista heavy metal zvedeze, devenjesto famozo soratuto par aver somà in un curto parìodo de tenpo co i Europe.

Biografia

El ze entrà a far parte dei Europe inte l'otobre del 1986, ciapando el posto de John Norum, e ghe ze restà fin a cuando che ła band ła ga desidesto de łasarse, inte'l 1992. Co i Europe el ga insidesto do àlbun: Out of This World e Prisoners in Paradise.

Co el pasàr del tenpo, Marcello el ga sonà in vari grupi e produzesto àlbun de racuanti artisti. Vanti de entràr inte i Europe, el sonava inte'l sleaze glam grupo Easy Action, rezistrando do àlbun in studio. Inte'l 1985 Marcello ga produzesto un singoło, Give A Helpin' Hand, par el progeto umanitario Swedish Metal Aid. Ła cansón ła gera stà scrita da Joey Tempest, cantante dei Europe. Cueła ła ze stà ła prima ocazion che i Europe e Kee Marcello i ga cołaborà.

Inte'l 1995 Marcello el ga rezistrà el só primo àlbun da sołista Shine On, co influense de ła west coast, un sound simiłe a cueło dei Eagles. Inte'l 2003 el ga formà un grupo, K2, e el ga publegà co łòri l'àlbun Melon Demon Divine.

Inte ła Note de San de San Silvestro 1999 el ga sonà a Stocolma co i Europe in formasión a 6 so el steso palco insieme a John Norum.

Inte'l 2005 el fa un tour taliàn in conpanjia de'l cantante Chiris Catena co el cuało el intraprendarà na cołaborasión che durarà inte i ani.

Inte'l 2005 el ze entrà da novo inte i K2 co ła cantante canadeze Alannah Myles inte'l finałe svedeze de l''Eurovision Song Contest, par sonàr ła cansón We Got It All. La cansón ła ga vadanjà serti ponti inte ła votasión ma no i ze stài bastànti par sonàr anca a ła finàl intarnasionałe.

Inte'l 2007 el torna a formàr i Easy Action co Zinny J. Zan.

Inte'l 2021 el cołabora co Pino Scotto inte'l brano "Morta ze la città" de l'àlbun Buena suerte.

Inte'l 2021 vien fora el novo àlbun Redux: Europe, àlbun cotenjente 16 brani co varsion de brani ciapài dai àlbun the final countdown, out of this world, prisoners in paradise e inte l'isteso ano A vien fora ła so autobiografia The rock star god forgot.

Inte'l 2021 el cołabora co Andrea Gargioni inte'l brano "Sometimes" de l'àlbun NEED, in usìda so iTunes el 10 avrìl.

Vien publegà na biografia, durante ła promosion de ła cuała el ghitarista el comunica de vołer far cauza ai Europe par averlo escludesto da ła riunion. Inte'l 2021 Marcello el firma co l'eticheta itałiana Frontiers records, un novo albun che conprende 2 trase da'l demo di Prisoners in Paradise.^[1]

Discografia

Sołista

1995 Shine On
2003 Melon Demon Divine (come Kee Marcello's K2)
2021 Redux: Europe
2021 Judas Kiss
2021 Scaling Up

Co i Easy Action

1983 Easy Action
1986 That Makes One

Co i Europe

Altri albun

1978 - Stetson Cody Group - Rikskonserters Jazz/Rock 1978
1982 - Noice - Europa
1986 - Mikael Rickfors - Rickfors
1997 - Mikael Rickfors - Happy Man Don't Kill
2009 - Alex Falcone - AphasiA
2021 - Simone Cozzetto - Wide Eyes, Lost in the night, The Diamond (Sincom Music)
2021 - Kee of hearts

Bibliografia

(SV) Kee Marcello e Stefan Johansson, Rockstjärnan Gud glömde, Månpocket, 2021, ISBN 978-917-2-32258-5.

Altri projeti

Colegamenti esterni

Sito uficiałekeemarcello.com.

Sito uficiałe so MySpacemyspace.com.

Note

Wikimedia Commons el detien imàjini o altri file so Kee Marcello
Scholia el detien schemi gràfeghi so Kee Marcello

Controło de autorità	VIAF (EN) 85902872 · ISNI (EN) 0000 0000 7912 2780 · Europeana agent/base/72726 · GND (DE) 1021231290 · WorldCat Identities (EN) 85902872