Inpero bizantin xe el nome che i ghe ciama i storici moderni a l'Inpero roman d'Oriente, che se ga separà da ła parte osidentał dopo che xé morto l'inperador Teodòzio I inte el 395. Sirca ła data da cui i storici i desmete de doparar el termine "roman" e i preferise ciamarghe "bizantin", ghe xé diversi ategiamenti storiografici: el 476 (caduta de l'ultimo inperador d'Osidente Romolo Augustolo), ma anca el 395 (morte de Teodosio I), el 330 (fondazion de Costantinopołi da parte de Costantino I el Grando, mentre se ga tacà a parlar de Inpero d'Oriente dal 364), el 565 (co xé morto Giustiniano I de Bisanzio con lu el sogno de la Restauratio imperii).
Ma ła data prevalentemente asetà da 'l mondo academego de l'inisio de 'l periodo bizantin ła xe el 610, coando xé ndà su Eraclio I de Bisanzio, che el ga modifegà notevolmente ła strutura de l'Inpero e el ga nominà łengua uficial el greco, sostituendo così na olta par tute el latin, e faxendose inoltre ciamar co 'l termine greco basileus, inveze de augustus come se doparava fin a chel momento.
L'inpero, dopo na longa crizi, el ga finìo de exìstar inte el 1453 (conquista de Costantinopoli da parte dei turchi otomani guidà da Maometto II). Nato el 17 de zenaro 395 e cascà el 29 de majo 1453, cueło bizantin el xé l'inpero che xe durà de pi in tuta ła storia de la Tera, con 1058 anni da stato paròn; se si vol considerarlo come ła vera e propria continuasion de l'inpero roman, el xe durà dal 27 a.C. fin al 1453, esendo cusita stà paròn par 1480 ani.
Altri projeti
Linganbi foresti
- Bizantino, ImperoTreccani.it – Enciclopedie on line, Istituto de ła Ençiclopedia Italiana.
- bizantino, impero, in Disionàrio de istòria, Istituto de ła Ençiclopedia Italiana, 2010.
- (IT, DE, FR) Inpero bizantinhls-dhs-dss.ch, Disionàrio stòrego de ła Svìsara.
- (EN) Donald MacGillivray Nicol e John L. Teall, Byzantine EmpireEnçiclopedia Britannica, Encyclopædia Britannica, Inc.
- (EN) Opere di Byzantine Empire. / Byzantine EmpireOpen Library, Internet Archive.
- (EN) Opere riguardanti Byzantine Empire / Inpero bizantin / Eastern Roman Empire / Βυζαντινή ΑυτοκρατορίαOpen Library, Internet Archive.
- (EN) Inpero bizantin, in Catholic Encyclopedia, Robert Appleton Company.
