PROFILBARU.COM

Gianluca Grignani
Biografia
Nasimènto	7 de apriłe del 1972 (52 ani); Miłan (Itàlia)
Atività
Ocupasion	cantautor, conpozidor de canson, conpozitor, cantante, produtor discogràfego
Atività	1994 - in atività
Zènare	Pop
Instrumento muzicałe	voxe, chitara
Targheta discogràfega	Mercury Records, Ils International, Strategic Marketing, PolyGram, Universal Music Group, Balboa Recording Corporation, Columbia Records, Sony Music
Àlbun	16
Àlbun stùdio	10
Àlbun compilation	6
Repertòrio
	Pop Rock, Rock alternativo
Sito web	gianlucagrignani.it

Gianluca Grignani, (Miłan, 7 de avril 1972), el xe un cantante, chitarista itałian.

El ga vendùo conplesivamente sìrca 5 miłioni de dischi çertifegài da FIMI, tra cui un disco de diamante (Destinazione Paradiso, uno dei album più vendùi del 1995),^[1]^[2]^[3] quattro dischi di platino (La fabbrica di plastica, Sdraiato su una nuvola, Uguali e diversi, Il re del niente),^[4]^[5] e due dischi d'oro (Campi di popcorn, Romantico Rock Show).^[6]

Biografia

Anni '90

Cresùo a Precotto, periferia nord de ła metropołi łonbarda, el se trasferise a Correzzana (in Briansa) a l'età de 17 ani. Fin da xovanisimo el taca scrivar canson (influensà sia da grupi cofà The Beatles, Police e Nomadi, ma soratuto el so pì grando mito fin da l'età di 6 ani, Elvis Presley sia da cantautori itałiani cofà Lucio Battisti) e a sonar in picołi łocałi de ła so xona.

Drìoman el studiarà inte el Centro Profession Musica^[7], istituto conduxesto da Franco Mussida.

Fondamentałe par el so parcorso artìstego ce l'incontro co Vince Tempera e Massimo Luca, chitarista e produtore (xa hitarista de Battisti, Concato e altri), che i ło propone a łe pì inportanti caxe discogràfeghe. Inte el 1994 xe ła PolyGram che deside de metarlo soto contrato e prexentarlo al pùblego de Sanremo Giovani co el sìngoło La mia storia tra le dita. Alcuni mexi dopo ghe xe stà l'exordio, inte ła categoria Nuove Proposte, al Festival de Sanremo col brano Destinazione Paradiso, che suito deventa un stragrando suceso. Senpre inte el 1995 Gianluca inside el so primo album, Destinazione Paradiso, che vende in un soło ano do miłioni de copie e ło slansa anca inte el marcà sudamerican, oltra a farghe vinser un Telegatto cofà artista rivełasion de l'ano. Dopo el suceso, tuto d'un colpo el sconparise da łe sene e scominsia a ciapar pìe na łegenda metropułitana segondo cui el sarìa adiritura morto de overdose.^[8]

L'ano sucesivo el publega La fabbrica di plastica produxesto senpre da Massimo Luca co Ła cołaborasion de Greg Walsh. A l'usìda el xe stà acolto co criteghe contrastanti e xe stà un "flop" de vendite, dixorientando el mercà e el so pùblego pròpio par el caratere sperimentałe e rock de l'opera che pareva slontanarlo dal stereotipo de tìpego cantante pop itałian dei so exordi. Ła coertina de l'edision łimitada xera stà reałixada co sfumadure de cołori difarenti intrà na copia e l'altra, rendendo ogni album un exemplar únego sol pian gràfego.^{[Fonte nesesària]}

Durante ła registrasion de l'album se ga prospetà el ritorno a Sanremo inte l'edision del 1996, che Grignani parò ga rifiutà^[9].

In sti primi ani el se ga faxesto notar suito par el so caratere rùspio e fora dai schemi, rifiutando, oltra a Sanremo, partesipasion in playback e łimitando łe aparision in tełevixion e ła promosion dei so łaori. El se ga rendesto anca protagonista, in negativo, par alcuni so conportamenti durante el Fabbrica di Plastica Tour.^[10]^[11]

Inte el 1998 vien publegà Campi di popcorn,^[12] coproduxesto co Jay Healy (che gavea xa łaorà par tanti artisti cofà John Mellencamp, Live e Patti Smith). L'ispirasion de l'opera xe fruto de un łongo viaxo che porta el cantaudor da Vancouver in Canada fin a Puerto Vallarta in Mèsego, co tape a Nashville, inte ła Graceland de Elvis Presley e termena a New York, inte'i łexendari studi de ła Hit Factory indove ch'el registra tuto l'album. El rexultado xe un altro łaor fora dai schemi e da łe atexe, inte łe cuałe łe dodexe canson contegneste conpise na fuxion de sonorità àçide e łinee mełòdeghe dolsi.^{[Fonte nesesària]}

Inte el 1999 Grignani fa ła so segonda aparision al Festival de Sanremo co Il dì perfetto, canson che dà anca el tìtoło a ła so prima racolta de sucesi (Il dì perfetto), contegnente remix, version acusteghe e live dei suoi tòchi pì conosùi, oltra a inediti.

Ani 2000

Inte l'istà del 2000 el publega el so cuarto album Sdraiato su una nuvola. Abandonàe łe ritmiche seràe e łe sperimentasion de "Fabbrica di plastica" e "Campi di popcorn", el rexultado xe un album introspetivo e cantautorałe, influensà dal so sojorno in India, dove inte el fratenpo Grignani se jera simentà cofà ator inte el film Branchie de Francesco Ranieri Martinotti, traxesto da un romanxo del scritor Niccolò Ammaniti. Grignani scała łe clasifeghe de vendita coi sìngołi Speciale e Le mie parole.^{[Fonte nesesària]}

Pasài do ani, inte el 2002, Grignani partesipa par ła tersa volta a Sanremo co Lacrime dalla luna; brano che el prełude a l'usiida del disco Uguali e diversi, che raxonxe łe sime de łe clasifeghe discografeghe dei dischi pì vendùi e'l ghe resta par tante setemane^{[Fonte nesesària]}

, grasie soratuto al traino de ła hit estiva L'aiuola.

Dopo alcuni ani de ecesi e turbołense, conpreso l'uxo de cocaina, inte'l2003 el publega Succo di vita, segonda racòlta de sucesi (che i vien rimasterixai dixitalmente par l'ocaxion) co do inediti: Mi stracci il cuore (perdere il controllo) e Succo di vita;^[13] Succo di vita deventa anca el titoło de un sucesivo DVD contegnente materałe inedito insieme a na sełsion dei mejo videoclips de łe so canson pì famoxe.

Inte el 2005 el cata a cołaborar co Andrea Guerra (so fiol del poeta Tonino Guerra) a ła conpoxision de Che ne sarà di noi, par ła cołona sonora de l'omonemo film de Giovanni Veronesi co l'ator Silvio Muccino; co staltra el vinse e'l riseve el renomà premio de ła Grolla d'oro par il Cinema 2005 a Saint Vincent.

A tuto ciò segue ła publicasion del so testo de łaoro in studio: Il re del niente produxesto da novo in cołaborasion co Massimo Luca. L'usìda de l'album, avegnesta el 10 de zugno 2005, coinside co na orixinałe e inovativa inisiativa ideà dal steso Grignani. "Il Re Del Niente" xe stà infati publegà in do version difarnti: ła prima xe cueła stàndar clàsega; ła segonda, contegnente anca 4 trase bonus in version demo de Cammino in centro, Un altro film, 100.000 dì fa e Bambina dallo spazio, xe ła version CD + Concerto – Special Edition. Overo, par ła prima volta, vien dà ła posibiłità de conprar, co l'album, anca un coupon che dà derito a l'ingreso a un concerto dal steso cantaudor, vołendo cusì unir i do momenti, sołitamente separai, de ła produsion de un artista: el disco e l'exibision in vivo. I sìngołi estraxesti da l'album, Bambina dallo spazio, Arrivi tu e Il re del niente i scała łe clasìfeghe radiofoneghe e i parmete a l'artista de axudegarse do inportanti e prestijoxi riconosimenti: el Premio Mia Martini e el Premio Lunezia par el vałor łeterario dei testi contegnesti inte el album.

Inte el 2006 Gianluca Grignani partesipa oncora al Festival de Sanremo indove ch'el prexenta el brano Liberi di Sognare, ełiminà al primo turno, ma che otien un bon riscontro radiofonego e ło porta verso un łonghisimo tour che ło tien inpegnà par oltra un ano e mexo.