El 20 de febraro1843 el xe rivà a Verona par studiar al Cołejo de Don Nicola Mazza. El ga cantà Mesa intel 1854, e el xe partio par l'Africa intel 1857. El xe stà misionario a la stasion de Santa Croxe, intel sud del Sudan. Dopo gnanca un ano el xe ritornà in Italia parché el gavea ła małaria.
Intel 1864, fin che el jera drio pregare su ła tomba de San Piero in Vatican, ghe xe vegnù in mente un pian par evangełixar l'Africa. El só Pian par la rigenerasion de l'Africa l'è oncora al dì de oncò considerà uno dei mejori scriti del XIX secoło. L'idea principal l'era de dar na formasion pràtega a dei africani che dopo i gavaria mandà vanti scołe e struture de sviłupo co altri africani. Comboni el dixea speso: salvar l'Africa co i africani.
El xe stà el primo vescovo de l'Africa Centrałe, Comboni el ga laorà tuta ła so vida par l'Africa e i Africani. Comboni el ga fondà i Misionari Comboniani e le Pie Madri de la Nigrizia (Comboniane). El xe morto a Khartoum, intel Sudan, intel 1881.
