Sta voxe o sesion de zeografia ła contien erori ortogràfeghi o de sintasi o san ła xe scrivesta inte on vèneto mia masa s-ceto Contribuisi a corèxarla segondo ła gramàdega, l'ortografia e ła sintasi de ła łéngua vèneta.
Ła Conca del Congo ła ze el teritòrio che ghe da aqua al Fiume Congo, na olta conosesto anca cofà Fiume Zaire. El Congo el xe el fiume pi inportante de l’Africa Osidentale. El xe longo 4 700 km e el xe el secondo de l’Africa dopo el Fiume Nilo par longhesa, ma el primo (secondo al mondo) par el volume de le àcue. El volume de le àcue el xe gavesto par la richesa de ła conca ìdrega, a caval de l’ecuator. En sta magnera, amanco un tributario el xe sempre interesà da la stagion de la piova. La zona pi rente a l’equator la ga sempre piova sul fiume o su i tributari.
I primi eoropei a visitar la foce del Fiume Congo i xe stà i portoghexi in tel 1482. En tel XIX secolo, esploratori inglexi e francexi i ga esplorà le foreste del conca del Congo par catar le fonti del Nilo. Henry Morton Stanley el xe sta el primo a navigar el fiume par catar le sorgenti. L’è stà lu a capir che el Lualaba no el xera la sorgente del Congo.
El fiume Congo el xe navigàbiłe da Kinshasa a Kisangani. Tra Kinshasa e la foce e a monte de Kisangani ghe xe de le rapide che le impedise el pasagio de le navi. La majoria de i tributari del Congo la xe navigàbiłe da navi. El sistema del fiume Congo e i so tributari el xe la pi grande rete de comnicasion inte la region.
.JPG)
