La ceza de San Gotardo ła ze un liogo de culto catòlego situà inte ła frasion omònema del comune de Sospiroło (provincia de Bełun).
Ła ze conprendesta inte ła paròchia de Mas-Peron, apartegnente a ła diòseze de Bełun-Feltre[1].
Istòrego
L'intitolasion ła fa pensare al pasajo de marcanti todeschi che i pasava par ła vałe del Cordévołe par rivar Venèsia[2].
L'edifegà el ze cità par ła prima volta inte el 1577 ma el ze sertamente de orìzeni pì antighe. El ze pùblego el fato che ła ze sta costruia so i rovinasi de na pì antiga ceza de San Marco, oratòrio de un omònemo ospìsio che el sorzeva inte łe visinanse. Cofà testimonià da łe lìnee architetòneghe, restae intiere fin uncó, l'òpara ła garia rivar da ła metà del Cuatro-zento[1][2].
Edifegà
Ła ceza in memòria de Gotardo de Hildesheim ła se deartìcuła inte un'ùgnoła navada longa 17,35 m e larga 8,70 m. A l'estremità orientałe, introduzesto da na bałustra in legno, se cada el presbitèrio andove ghe ze el coro e l'altare majore[1][2].
In sto cuà ghe ze sora-ponesto na pała figurante l'Incoronasion de ła Vèrzene, i santi Bruno e Gotardo e l'oferente Diana Grini, òpara de Francesco Frizimèłega el vècio (1614-1616). Incastronada inte el tavernàcoło el ze na toła intribuia a Jacobeło del Fiore (XV secolo) co San Gotardo[1].
Par cheło che revarda chei altri do altari, cheło de sanca l'uno ornà da na pała co un Santo Véscovo (forse San Salvatore), l'altro da un dipinzesto figurante i Santi Bruno e Gotardo; i saria tuti e do òpare del Frizimèlega de l'isteso ano de ła presedente. Inte l'entrada laterale el se ga catà ponesto na Vèrzene co Putelo e San Zovanin[1].
I esterni i ze racuanto sénpleghi e i mete in rezalto el canpaniłe co cùspide a siégoła datàbiłe al XVIII secolo. Fin ai scumisi del Novezento l'ingreso da ła parete laterałe, cheła che varda a nord, ła zera presedesta da un pòrtego costituio da na fila de cuatro cołone tuscàneghe sora del cuało se ghe inpostava archi a tuto sesto[1][2].
La ceza ła ze stada de resente restaurada dopo un longo perìodo de sbandono[1][2].
Notasion
- ↑ 1,0 1,1 1,2 1,3 1,4 1,5 1,6 Chiesetta di San Gottardo, Parrocchia di Mas-Peron. entrada il 9 maggio 2021 (archivià dal URL orizenałe il 13 luglio 2013).
- ↑ 2,0 2,1 2,2 2,3 2,4 Chiesa di San Gottardo, Comune di Sospirolo. entrada il 10 luglio 2013.
Altri projeti
Linganbi foresti
.jpg)
