PROFILBARU.COM

Carlo Verdone
Biografia
Nasimènto	17 de novenbre del 1950 (74 ani); Roma
Dati personałi
Formasion	Università degli Studi di Roma "La Sapienza" (it) ; Centro Sperimentale di Cinematografia (it)
Atività
Ocupasion	diretor de cine, baterista, produtor de cine, montador, comediante, senezador, ator
Atività	1980
Instrumento muzicałe	Batteria (it)
Òpara
	Òpare in rezalto (1982) Borotalco (it) ; (1983) Acqua e sapone (it) ; (1988) Compagni di scuola (it) ; (2003) Ma che colpa abbiamo noi (it) ;
Fameja
Pare	Mario Verdone (it)
Fradełi	Silvia Verdone (it) e Luca Verdone (it)
Zenitori	Christian De Sica (cugnà); Brando De Sica (it) (nipote (it) )
	Grande ufficiale OMRI (it) ; Premio Acqui Storia (it) ; Ciak de oro; Nastro d'argento al migliore attore non protagonista (it) ; David de Donatello; Premio Vittorio De Sica (it) ;
Sito web	carloverdone.com

Carlo Verdone (Roma, 17 de novenbre 1950) l'é un atore, regista, senegiadore e dopiatore italian.

Fioło del storico del çinema Mario Verdone^[1], el xe interprete sora-de-tuto de film comedia^[1]^[2] e el ga reçità in na quarantina de film^[1]^[2], a partire da l'inixio dei ani otanta^[2]. Tra 'sti qua, ricordemo: Un sacco bello, Bianco, rosso e Verdone, In viaggio con papà (co Alberto Sordi), Borotalco' (co Eleonora Giorgi), Acqua e sapone (co Natasha Hovey), 7 chili in 7 dì (co Renato Pozzetto), I due carabinieri (co Massimo Boldi), Troppo forte, Io e mia sorella (co Ornella Muti), Maledetto il dì che t'ho incontrato (co Margherita Buy), Viaggi di nozze (co Claudia Gerini), Sono pazzo di Iris Blond, Gallo cedrone, Manuale d'amore e i capitołi sucesivi, Il mio miglior nemico' (co Silvio Muccino), ecc.^[1]^[2]

El xe so' cognà de l'atore Christian De Sica (che el ga spoxà so' soreła Silvia Verdone)^[3], nonché so' zio de l'atore Brando De Sica^[3].

I scominsi co'l sinema

Notevołe, ad inisio de cariera, ła ze ła só atività inte l'anbito de'l cabaret. El debuta infati al teatro Alberichino co Tali e quali, in cui el propone na serie de parsonazi fortemente caraterizài che i fa suito preza so'l pùblego. El spetàcoło el catura l'atension de'l critico Franco Cordelli, che ło resensise entuziastègamente so "Paese sera"^[4]. A teatro ło vede el rezista tełevizivo Enzo Trapani, che inte'l 1977 el ło fa debutar so'l picoło schermo, inte'l varietà Non stop, insenbre a na nova zenerasion de comici, da'l grupo de ła Smorfia, co Massimo Troisi, ai Gatti di Vicolo Miracoli. El suceso el ze stragrando. Sergio Leone ghe ne resta fasinà e'l ło ciama par debutar so'l grando schermo.

El só debuto a ła rezìa de un łongometrajo el avien co Un sacco bello, de'l 1980, film indove el interpreta i parsonaji de'l só repartorio teatrałe e tełevizivo. Produzesto da ła Medusa Distribuzione, Verdone vien inisià a łe tècneghe de ripreza e condusion de un set da'l stsso Sergio Leone. El zòvane rezista, inte'l łaor de senejadura a fianco de Leo Benvenuti e Piero De Bernardi, reconose in Leone un mestro un mucio severo ma vitałe.

El film sucesivo, de'l 1981, Bianco, rosso e Verdone, nova kermesse de parsonazi de'l só repartorio, el propone ła fegura pasadeła, ma divertente, de Elena Fabrizi, só soreła de Aldo, mejo nota come "Sora Lella". Dopo 'st'altro suceso Verdone zbandona i só carateri e, scriturà da'l produtor Mario Cecchi Gori, łaora a na comedia in cui el interpreta un parsonajo ùnego, Borotalco (1982), scrivesta insenbre a Enrico Oldoini, co Eleonora Giorgi, Christian De Sica e Mario Brega, che otien un gran suceso.

El łaora anca al fianco de Alberto Sordi de'l cuało el ze considarà l'erede naturałe pa' ła capasità de far reviver, inte'l contesto dei ani '80, na fegura de abitante de ła capitałe che, in tute łe só sfasetadure anca contrastanti, el raprezenta el modeło de'l itałian medio. I do atori i zira do film insenbre: In viaggio con papà, par ła rezìa de'l steso Sordi, e Troppo forte, direto da Verdone.

Inte ła só òpara Verdone el riese ad afiancar, ai toni de ła comedia, un retrogusto amaro inte ła scritura de łe storie, atento ai temi de'l cinismo e dei ecesi de ła sosietà contenporanea e de'l dezazio de l'individuo davanti a eła. Co'l tenpo ła gofagine e inadeguatesa de ła màscara comica ła ga fato posto a łe nevrozi e al małinconismo, reasion scuazi somatiche a łe presion de un mondo farnètico. Verdone mantien comuncue un raporto, par cusì dir, priviłezà co i canoni de ła comedia a l'itałiana prezenti inte ła tradision, dai grandi de ła comicità fino a rivar ai detami de sinema pì inpegnà, tegnendo fede a un stiłe "medio-alto" che ghe ne fa un rezista e un interprete tra i pì amà da'l pùblego.

Oltra cuełi mensonài, i só film pì conosùi i ze Compagni di scuola (1988), comedia corałe in cui el dirize ben dizdoto interpreti co-protagonisti, na sorta de Grande freddo a l'itałiana, da molti retengnùo el conpìo dei só łaori; Maledetto il giorno che t'ho incontrato (1992), na trazicomica storia d'amor de do nevrotisi e insodisfài, interpretada in cubia co Margherita Buy; Al lupo al lupo (1992), in cui el anałiza łe dinàmeghe famejari e el raporto conpleso de tre fradełi; Viaggi di nozze (1995), in cui el repropone el stiłe machietìstego e ła strutura ad epizodi dei film d'ezordio.

El tornarà so 'sto tema azornando łe temàteghe e łe conplesità dei raporti, inte'l novo miłenio, tra fradełi anca in Io, loro e Lara (2010); Il mio miglior nemico, el só pì groso incaso al sinema in Itałia; Grande, grosso e... Verdone (2008), che reprende el stiłe dei presedenti Un sacco bello, Bianco, rosso e Verdone e Viaggi di nozze, overo un film a tre epizodi e tre ròłi interpretài da'l steso Verdone, fin a Posti in piedi in paradiso (2012) e Sotto una buona stella (2014).

Inte'l 2013 el partesipa al film de Paolo Sorrentino La grande bellezza, in cui el ze co-protagonista insieme a Toni Servillo, che se azudega l'Oscar cofà mejo film foresto.

Per cuel che revarda el teatro, va recordài i spetàcołi Tali e quali e Senti chi parla. Verdone el ga in azonta zirà alcuni spot tełevizivi cofà rezista, afiancà da zogadori de bałon come Roberto Baggio e Angelo Peruzzi o da atori come Ornella Muti; de Zora la vampira el ze stà anca produtor, dopiando anca el gato Zorba in La gabbianella e il gatto e i fiołi de Leo Nuvolone, Clemente e Sisto, inte'l soracità Grande, grosso e... Verdone.

Inte'l 2021 el prezenta a ła Festa de'l Sinema de Roma ła serie TV Vita da Carlo, che ła conta serti aspeti de ła só vita e cariera: ła vien publegà el 5 de novenbre so Amazon Prime Video, piataforma che ghe n'a metesto a dispozision scuazi tuta ła filmografia. Verdone el ze ator, rezista e senejador par 'sto projeto. E propio a propozito de Vita da Carlo, Carlo Verdone el ga comenà cusì el suceso de ła Serie TV a SuperGuidaTV: "A son stra sodisfà parché el ze stà un record, cuando vien fora calcoasa de mio spero senpre che el vaga ben. In 'sto cazo i me cołaoboradori i zera convinsesti che el fuse òtemo, ma mi fin a cuando no vedo no credo… anca se in 'sto cazo gavevimo capìo za da'l primo zorno. No faso altro che sentir conplimenti. Son contento asé".

Teatro e altre atività

El ga scrivesto alcuni łibri autobiogràfeghi e el ga zirà insenbre al fradeło Luca dei documentari. El ga in azonta zirà i videoclip de łe canson Mi piaci de Alex Britti e Meraviglioso dei Negramaro: 'st'ùltema drìoman ła ze stà utiłizà cofà cołona sonara inte'l film de Giovanni Veronesi Italians, de'l cuało Verdone el ze stà protagonista insieme a Sergio Castellitto e Riccardo Scamarcio. Verdone el ze stà direto da Veronesi anca inte ła triłozìa de Manuale d'amore. Inte'l 2012 A vien forra inte łe łibrarìe La casa sopra i portici, scrito dal steso Verdone co ła cołaborasion de Fabio Maiello, autobiografia dei ricordi pì inportanti de'l rezista; mentre inte'l 2021 el pùblega La carezza della memoria: entranbi vołumi publegài da Bompiani.

Vita privà

Carlo el ze só fradeło de'l rezista Luca Verdone e de Silvia Verdone, só mujer de Christian De Sica – conpagno de banco de Carlo alle superiori –, e'l barba de Brando De Sica; insieme al cugnà Christian, el ga zirà tre film: Borotalco, Acqua e sapone e Compagni di scuola. El ze stà spozà da'l 1980 al 1996 co Gianna Scarpelli, da ła cuała el ze łegalmente separà, ma non divorsià, e co ła cuała el ga avùo do fiòłi: Giulia (1986), aparìa int'un cameo in Al lupo al lupo e in Viaggi di nozze, e Paolo (1988), aparìo int'un cameo in Grande, grosso e... Verdone e in Io, loro e Lara e, int' un ròło pì rełevante, in Posti in piedi in paradiso.

Fio de Mario Verdone, só nono paterno el ze uno dei 100.000 sepełìi inte'l Sacrario miłitar de Redipuglia.

El ze un pasionà de medezina, e el reseve speso da amisi rechieste de conseji par rezolver picołi problemi de sałute. Ciò el ga contribuìo a diramar ła convinsion che'l sia stà colpìo da ipocondria, voze da łù smentìa, spiegando in varie interviste de aver invese avùo un desturbo d'ansa^[5]. Inte'l marso 2007 A ghe ze stà conferìo un partegołar reconosimento da l'Università degli Studi di Napoli Federico II, na targa che ła reporta na fraze de'l Zuramento de Ippocrate: "In calsiase caza entrarò, ghe andarò come sołèvo par i małài"^[6].

Parsonaji

Commissario Pironi, parsonajo intarpretà in Non stop
Il sardo, parsonajo intarpretà in Non stop
Maria Bianca Zellanti, parsonajo intarpretà in Non stop
Enzo, coatto, intarpretà in Un sacco bello
Ruggero Brega, hippie, intarpretà in Un sacco bello
Leo Nuvolone, putinon imaùro e inzenuo, intarpretà in Un sacco bello
Don Alfio, prete całabrese, intarpretà in Un sacco bello
Anselmo, cuałuncuista roman, intarpretà in Un sacco bello
Pasquale Amitrano, burino ed emigrante łucan a Monaco de Baviera, orizenario de Matera, intarpretà in Bianco, rosso e Verdone
Furio Zoccano, bardeła e ranèr borgheze roma trapiantà a Turin, intarpretà in Bianco, rosso e Verdone
Mimmo, parsonajo anałogo a Leo Nuvolone visto in Un sacco bello, ispirà a l'amigo Stefano Natale ed intapretà in Bianco, rosso e Verdone
Sergio Benvenuti, vendidor porta a porta de rancure muzegałe, intarpretà in Borotalco
Rolando Ferrazza alias Padre Spinetti, profasor dezocupà de mestier bideło, e falso prete in Acqua e Sapone
Oscar Pettinari, zòvane roman che'l sogna de deventar un famozo ator, intarpretà in Troppo forte
Raniero Cotti Borroni, ezasperante profesor vedovo che'l se repoza, ma el osesiona ła nova mujer co'l recordo de ła prima, intarpretà in Viaggi di nozze. El parsonajo el ze costruìo so ła falsariga de'l Furio Zoccano visto in Bianco, rosso e Verdone
Ivano Mancini, volgar roman arichìo, intarpretà in Viaggi di nozze
Armando Feroci, parsonajo intarpretà in Gallo cedrone, co serte simiłitudine co l'Enzo visto inte'l só primo film
Assunta De Seniis, parsonajo creà al Festival de Sanremo 2006. 'Sto parsonajo el recalca cueło de Adelaide De Marchiis, parsonajo creà da Verdone inte'l video par ła tełevizion Pillole, capsule e supposte
Callisto Cagnato, profasor univarsidario de storia de l'arte, omo metòdego, maniacałe e al tenpo isteso ipocrita, intarpretà in Grande, grosso e... Verdone. El parsonajo l'è costruìo so ła falsariga de'l Furio Zoccano visto in Bianco, rosso e Verdone e del Raniero Cotti Borroni de Viaggi di nozze. A se trata de'l parsonajo pì "diabòłego" intrà cuełi da łu intarpretài, come da łu medemo dichiarà
Padre Severino, parsonajo creà inte'l programa Meno siamo e meglio stiamo
Quintilio Baracca, vecioto reduse garibaldin, creà inte'l programa Telepatria international

Filmografia

Cine

Asistente a ła rezìa

Alla scoperta di Francesco (curtometrajo so'l set de Fratello sole, sorella luna de Franco Zeffirelli) , rezìa de Luca Verdone - acredità inte i titołi de testa (1971)
24 ore... non un minuto di più, rezìa de Franco Bottari - non acredità (1973)
Quel movimento che mi piace tanto, rezìa de Franco Rossetti - acredità inte i titołi de coa (1976)

Dopiador

Acqua e sapone, rezìa de Carlo Verdone (1983) - voze de'l signor pełà co i mustaci al funarałe de Gino
La gabbianella e il gatto, rezìa de Enzo D'Alò (1998) - voce di Zorba
C'era un cinese in coma, rezìa de Carlo Verdone (2000) - Nicola Renda mentre prova ła voze de'l sineze poco prima de entrar in sena al posto de Rudy Sciacca
Grande, grosso e... Verdone, rezìa de Carlo Verdone (2008) - Clemente e Sisto, figli di Leo

Tełevixion

Del resto fu un'estate meravigliosa (1977)
Non stop (1978-1979)
Al Paradise (1981)
A come Alice (1982)
Un sacco Verdone (1982)
Morto Troisi, viva Troisi! (1982)
Sogni e bisogni (1985)
Orgoglio coatto (1999)
Pillole, capsule e supposte (1999)

Note

↑ ^1,0 ^1,1 ^1,2 ^1,3 cfr. Carlo Verdone su Biografie Online
↑ ^2,0 ^2,1 ^2,2 ^2,3 cfr. IMDb: Carlo Verdone
↑ ^3,0 ^3,1 cfr. IMDb: Carlo Verdone - Biography
↑ Franco Cordelli, Quando Verdone recitò nella sala vuota: lì nacque il mattatoreCorriere della Sera, 11 aprile 2017. entrada il 16 febbraio 2020 (archivià dal URL orizenałe l'11 de aprile 2019).
↑ Antonella Rossi, Carlo Verdone: «Quell'ansia un po' me manca»vanityfair.it, 18 novembre 2016. entrada il 20 febbraio 2017 (archivià il 21 de novenbre 2016).
↑ Patrizio Fiore, Verdone: sono un antidepressivo senza effetti collaterali (ligo ronpesto dispunìbiłe in Internet Archive; védarse el istòrego, la prima version e ła ùltema). , in Il Policlinico Federico II, gennaio-marzo 2007, p. 3.

Altri projeti

Wikimedia Commons el detien imàjini o altri file so Carlo Verdone
Scholia el detien schemi gràfeghi so Carlo Verdone

Colegamenti esterni

Carlo Verdone - Sito uficiałe
Scheda su Carlo Verdone de l'Internet Movie Database
Biografia de Carlo Verdone su Biografie Online.

Controło de autorità	VIAF (EN) 27882619 · ISNI (EN) 0000 0001 1611 959X · El vałore CFIV009862 de SBN no el xe mija bon. · LCCN (EN) n94114521 · GND (DE) 11947901X · BNF (FR) cb16741265d (data) · BNE (ES) XX4579377 (data) · NLA (EN) 40509855 · WorldCat Identities (EN) n94-114521