Andrea Apostoło (6 a.C.-36), el xe comemorà da tute łe cexe cristiane. El jera on apòstoło de Gesù Cristo, fradeło grando de San Piero.
El dovaria esare nato a Betsaida sora el Lago de Tiberiade. Andrea no'l jera quaxi sicuramente el so nome parché né in aramaico né in ebraico esistea on nome simiłe.
Prima de conosare Gesù el jera sta disepoło de San Joani Batista.
Secondo Eusebio, ch'el cita Origene, Andrea el ga predicà in Asia Minore, longo el Mar Negro e ła xe probabiłe ch'el sia 'rivà inte ła rejon del Volga. Par sta rajon el xe el Santo Patrono de ła Romania, de ł'Ucraina e de ła Rusia. Ła tradision el ło vołe primo vescovo de Costantinopołi. El xe morto martire a Patraso dove el ga subìo el suplisio de ła croxe. Sta croxe, che ancò ła vien ciamà Croxe de Sant'Andrea, ła jera on supplisio romano ciamà Crux decussata: i łegni dove vegnea inciodà el condanà i jera mesi a forma de X.
La Croce di Sant'Andrea (in inglese detta "The Saltier") è la bandiera nazionale Scozzese.
Sant'Andrea el xe anca el Santo Patrono de ła Scozia.
Sant'Andrea el vien festejà da ła Cexa Catołega el 30 de novenbre.
