| Nikolay Matvienko |
|---|
| Tavalludi |
11-aprel, 1914-yil
Peski qishlogʻi, Loxvitskiy tumani, Poltava viloyati |
|---|
| Vafoti |
10-yanvar, 1990-yil
Lermontov shahri, Stavropol oʻlkasi, RSFSR, SSSR |
|---|
| Fuqaroligi |
 SSSR |
|---|
| Qoʻshin turlari |
zirhli qoʻshinlar |
|---|
| Xizmatdagi yillari |
1936—1956 |
|---|
| Jang/urush |
Sovet-Fin urushi (1939—1940)
Ikkinchi Jahon Urushi |
|---|
| Mukofotlari |
 ,  , Vatan urushi ordeni (I daraja), Vatan urushi ordeni (II daraja) |
|---|
Nikolay Efimovich Matvienko (1914-yil — 1990) — Sovet Armiyasi podpolkovnigi, Sovet-fin va Ikkinchi jahon urushlari qatnashchisi, Sovet Ittifoqi Qahramoni (1940).
Biografiyasi
Nikolay Matvienko 1914-yil 11-aprelda Peski qishlogʻida (hozirgi Ukrainaning Poltava viloyati Loxvitskiy tumani) tugʻilgan. Maktabning yetti sinfini tugatgach, Makeyevkadagi zavodda mexanik boʻlib ishlagan. 1936-yilda Matviyenko Ishchi va Dehqon Qizil Armiyasi safiga chaqirilgan. 1939-yilda kichik leytenant kurslarini tugatgan[1].
U Shimoliy-Gʻarbiy frontning 13-armiyasining 80-oʻqotar diviziyasining 307-alohida tank batalonining vzvod komandiri boʻlgan. Sovet-Fin urushidagi janglarda qatnashgan. 1940-yil 3-martda Matvienkoning vzvodi Heinyoki stansiyasi (hozirgi Veshchevo, Vyborgskiy tumani, Leningrad viloyati) hududida chekinayotgan fin qoʻshinlarini taʼqib qilgan va minalangan maydonda oʻtishni amalga oshirgan.
SSSR Oliy Kengashi Prezidiumining 1940-yil 7-apreldagi Farmoni bilan „Finlandiya oq gvardiyachilariga qarshi kurash frontida qoʻmondonlikning jangovar topshiriqlarini namunali bajarganligi va shu bilan birga koʻrsatgan jasorati, qahramonligi uchun“ Sovet Ittifoqi Qahramoni medali, Lenin ordeni bilan taqdirlangan .
Ikkinchi jahon urushida qatnashgan. 1948-yilda Ukraina SSR Kommunistik partiyasi Markaziy Qoʻmitasi qoshidagi partiya maktabini tamomlagan. 1956-yilda podpolkovnik unvoni bilan Matvienko zaxiraga oʻtkazildi.
Oʻzbekiston SSR Navoiy shahrida yashagan, shahar xalq nazorati qoʻmitasiga rahbarlik qilgan. Nafaqaga chiqqanidan soʻng Stavropol oʻlkasining Lermontov shahriga koʻchib oʻtgan. 1990-yil 10-yanvarda vafot etgan, Lermontovda dafn etilgan[1].
Mukofotlari va xotira
NIkolay 1- va 2-darajali Vatan urushi ordenlari, bir qator medallar bilan taqdirlangan[1].
Uning nomi Lermontov shahridagi „Beshtau“ stadionidagi koʻcha va mashgʻulot maydonchasiga berilgan[2].
Manbalar
Adabiyotlar
- Geroi Sovetskogo Soyuza: Kratkiy biograficheskiy slovar / Pred. red. kollegii I. N. Shkadov. — M.: Voenizdat, 1988. — T. 2 /Lyubov — Yaщuk/. — 863 s. — 100 000 ekz. — ISBN 5-203-00536-2.
- Za mujestvo i otvagu. Xarkov, 1984.
- Tadjibaev X. N. Mujestvo. M., 1977.
- Tvoi osvoboditeli, Donbass! 5-e izd., dop. Donesk, 1976.
