Muhammad Yunus (bengalcha: মুহাম্মদ ইউনূস; 1940-yil 28-iyun kuni tugʻilgan) — bangladeshlikijtimoiy tadbirkor, bankir, iqtisodchi va fuqarolik jamiyati rahbari. Grameen bankiga asos solgani hamda mikrokredit va mikrofinans tushunchalarini ilgari surgani uchun Tinchlik Nobel mukofoti bilan taqdirlangan. Bunday kreditlar anʼanaviy bank kreditlari uchun oʻta kambagʻal hisoblangan tadbirkorlarga beriladi.
2006-yilda Yunus va Grameen banki birgalikda „mikrokredit yordamida ijtimoiy va iqtisodiy rivojlanishni tubdan boshlashga qaratilgan saʼy-harakatlari“ uchun Tinchlik Nobel mukofotiga sazovor boʻldi. Norvegiya Nobel qoʻmitasi „yirik aholi guruhlari qashshoqlikdan chiqish yoʻllarini topmasa, doimiy tinchlik oʻrnatib boʻlmaydi“ hamda „Yunus va Grameen banki eng kambagʻal kambagʻallar ham oʻz rivojlanishlariga sababchi boʻla olishlari mumkinligini koʻrsatdi“, dedi[1].
Yunus yana bir necha boshqa milliy va xalqaro sovrinlarni qoʻlga kiritgan. U 2009-yilda AQSh Prezidenti erkinlik medali, 2010-yilda Kongress oltin medali bilan taqdirlangan. 2008 yilda Yunus „Foreign Policy“ jurnali tuzgan „Eng yaxshi yuzta global fikrlovchi“ roʻyxatida ikkinchi oʻringa qoʻyildi.
.jpg)
