Armaniston talabalari sport federatsiyasi (ARMSSF) (armancha: Հայաստանի ուսանողական մարզական ֆեդերացիա) Armanistonda talabalarning sport va jismoniy faoliyati manfaatlarini himoya qilish, qoʻllab-quvvatlash va targʻib qilish uchun mas’ul boʻlgan milliy nodavlat tashkilot[1]. Federatsiyaning bosh qarorgohi Yerevanda joylashgan. Federatsiya Armaniston boʻylab universitetlar bilan koʻplab hamkorlik shartnomalariga ega[2][3].
Tarixi
Armaniston talabalar sporti federatsiyasi 1994-yilda tashkil etilgan boʻlib, hozirgi prezident Ovannes Gabrielyan hisoblanadi[4][5]. Federatsiya 1995-yildan Universitet sporti xalqaro federatsiyasining toʻliq aʼzosi[6]. Federatsiya, shuningdek, Yevropa universitetlar sport assotsiatsiyasining ham aʼzosi hsoblanadi. 2021-yil sentabr oyida Ovannes Gabrielyan Yevropa universitetlar sport assotsiatsiyasi boshqaruviga auditor etib saylangan. Saylanganidan soʻng Gabrielyan „Armanistonda xalqaro talabalar musobaqalari, jumladan, Yevropa talabalari oʻrtasida turli sport musobaqalari oʻtkazish imkoniyati koʻproq boʻladi“, deb taʼkidlagan[7].
Faoliyati
Federatsiya talaba sportchilarini turli xalqaro va Yevropa darajadagi universitet sport chempionatlarida, jumladan Jahon yozgi va qishki universitet oʻyinlarida, FISU Jahon universitet chempionatida hamda Pan-Yevropa talabalar oʻyinlarida ishtirok etish uchun joʻnatishga javobgardir[8][9]. ARMSSF, shuningdek, Armaniston boʻylab talabalar uchun milliy tadbirlar, musobaqalar va tadbirlarni tashkil qiladi va koʻpincha Armaniston stol tennisi federatsiyasi, Armaniston armrestling federatsiyasi, Armaniston milliy eshkak eshish va kanoe federatsiyasi va figurali uchish federatsiyasi kabi boshqa sport federatsiyalari bilan hamkorlik qiladi[10].
ARMSSF har yili „Armaniston Respublikasi talabalar sport oʻyinlari“ ni tashkil qiladi[11]. 2014-yil noyabr oyida Armanistonning 21 universitetidan 3500 dan ortiq talaba qatnashgan. Oʻyinlarga Taʼlim va fan vazirligi homiylik qiladi[12][13].
2015-yil oktabr oyida federatsiya Armanistonda universitetlar oʻrtasida shaxmat boʻyicha birinchi Yevropa chempionatini tashkil etgan[14]. 2015-yil iyul oyida federatsiya Janubiy Koreyada boʻlib oʻtgan Yozgi Jahon Universiadasida ishtirok etgan[15].
2017-yilda Armaniston birinchi marta Qozogʻistonda oʻtkazilgan Qishki jahon universiadasida ishtirok etgan[16].
2020-yilda federatsiya tomonidan „Armaniston-Gruziya“ sport festivali tashkil etilgan[17].
2021-yilda federatsiya Armaniston Kibersport federatsiyasi bilan birinchi kibersport musobaqasini oʻtkazgan.
Yana qarang
Manbalar
Havolalar
