چینی ادبیات عالیہ

چینی ادبیات عالیہ (آسان چینی: 中国古典典籍; روایتی چینی: 中國古典典籍; پینین: Zhōngguó gǔdiǎn diǎnjí) سے مراد چینی زبان کی وہ کتابیں ہیں جو سنہ 221 ق م میں چن خاندان کے شاہی اتحاد سے قبل رشتہ تحریر سے منسلک ہوئیں۔ ان میں بطور خاص نو کنفیوشسی روایت کی حامل "چار کتابیں اور پانچ کلاسیک" قابل ذکر ہے۔ خود یہ کتاب بھی "تیرہ کلاسیک" کی تلخیص ہے۔ ماقبل چن عہد کی یہ تمام کتابیں کلاسیکی چینی زبان میں لکھی گئی تھیں اور ان کے تینوں مجموعوں کو بالجملہ "ادبیات عالیہ" سے موسوم کیا جاتا ہے۔^[1]

نیز ادبیات عالیہ کے تحت ان کتابوں کو بھی شامل کیا جا سکتا ہے جو چین کی مقامی بولیوں اور لہجوں یا کلاسیکی چینی میں ضبط کی گئیں یا آخری شاہی چنگ خاندان کے سقوط (1912ء) تک رائج رہیں۔ ادبیات عالیہ کے تین مجموعے ہیں جو شی، زی اور جی کہلاتے ہیں۔ شی (史) مجموعہ کے تحت تاریخی نوعیت کی کتابیں آتی ہیں، جبکہ زی (子) میں فلسفیانہ کتابوں، نیز زراعت، طب، ریاضیات، فلکیات، الہیات، تنقید فنون اور دیگر متفرق تحریروں کو رکھا گیا ہے اور جی (集) مجموعہ میں ادبی کاوشیں شامل ہیں۔

منگ اور چنگ خاندانوں کے وقت میں ان کنفیوشسی فضلا کے لیے چار کتابوں اور پانچ کلاسیک کی تعلیم لازمی تھی جو شاہی امتحان دے کر سرکاری عہدے دار بننا چاہتے تھے۔ اس عہد کی کوئی بھی سیاسی گفتگو یا مباحثہ اس کے حوالوں سے خالی نہیں ہے۔ حتی کہ انھیں حفظ کیے بغیر کوئی شخص سرکاری فاضل (اور کبھی کبھی فوجی افسر) نہیں بن سکتا تھا۔ عموماً چینی بچے سب سے پہلے چینی رسم الخط سیکھتے اور اس کے بعد کلاسیکی کتابوں کو حفظ کرتے۔

محققین نے چینی ادبیات عالیہ کو دو زمانوں میں تقسیم کیا ہے: ماقبل و مابعد کتاب سوزی عہد۔ کتاب سوزی کا یہ سانحہ چن خاندان کے عہد زوال میں پیش آیا تھا جس میں ماقبل چن کتابوں کے اصلی نسخے بڑی تعداد میں ضائع ہو گئے۔^[2]

حوالہ جات

1. Voorst, Robert E. Van (2007)۔ Anthology of World Scriptures۔ Cengage Learning۔ ص 140۔ ISBN:0-495-50387-8
2. Voorst, Robert E. Van (2007)۔ Anthology of World Scriptures۔ Cengage Learning۔ ص 140۔ ISBN:0-495-50387-8

بیرونی روابط

• Chinese Text Project (English Chinese) (Chinese philosophy texts in classical Chinese with English and modern Chinese translations)
• Chinese Classics (James Legge's translations of the Analects of Confucius, the Great Learning, the Doctrine of the Mean, the Works of Mencius and the Tao Te Ching)
• The Canonical Books of Confucianismآرکائیو شدہ (Date missing) بذریعہ weber.ucsd.edu (Error: unknown archive URL), David K. Jordan
• Relevant Electronic Resources for Chinese Classical Studiesآرکائیو شدہ (Date missing) بذریعہ princeton.edu (Error: unknown archive URL)

روایتی چینی

• Scripta Sinicaآرکائیو شدہ (Date missing) بذریعہ sinica.edu.tw (Error: unknown archive URL) Big classic texts database by Academia Sinica
• Palace Museum Chinese Text Databaseآرکائیو شدہ (Date missing) بذریعہ 210.69.170.100 (Error: unknown archive URL)
• 中國電子古籍世界 Classics database
• Research Center for Chinese Ancient Texts includes CHANT (CHinese ANcient Texts) Database
• Chinese classic text online

سادہ چینی

• 凌云小筑 In Chinese, with articles and discussions on literature, history, and philosophy.
• 国学导航

جاپانی

• 東方學デジタル圖書館