پورٹ مورسبی (/mɔːrzbi/؛ توک پسن: Pot Mosbi)، جسے پوم سٹی یا صرف موریسبی بھی کہا جاتا ہے، پاپوا نیو گنی کا دار الحکومت اور سب سے بڑا شہر ہے۔ یہ آسٹریلیا اور نیوزی لینڈ سے باہر جنوب مغربی بحر الکاہل کے سب سے بڑے شہروں میں سے ایک ہے (جایاپورا، انڈونیشیا کے ساتھ)۔ یہ جزیرہ نیو گنی کے جزیرہ نما پاپوان کے جنوب مغربی طرف خلیج پاپوا کے ساحل پر واقع ہے۔ یہ شہر انیسویں صدی کے دوسرے نصف میں تجارتی مرکز کے طور پر ابھرا۔ دوسری جنگ عظیم کے دوران، سن 1942-43ء کے دوران شاہی جاپانی افواج کی طرف سے آسٹریلیا کو جنوب مشرقی ایشیا اور امریکا سے منقطع کرنے کے لیے ایک سٹیجنگ پوائنٹ اور ہوائی اڈے کے طور پر فتح کرنا ایک بنیادی مقصد تھا۔
سنہ 2011ء کی مردم شماری کے مطابق، پورٹ مورسبی میں 364,145 باشندے تھے۔ سنہ 2020ء کا ایک غیر سرکاری تخمینہ آبادی 383,000 بتاتا ہے۔ وہ جگہ جہاں اس شہر کی بنیاد رکھی گئی تھی وہ صدیوں سے موتو۔کوائتابو Motu-Koitabu لوگوں کے ذریعہ آباد ہے۔ اسے دیکھنے والا پہلا برطانوی سنہ 1873ء میں رائل نیوی کا کیپٹن جان مورسبی تھا۔ اس کا نام ان کے والد ایڈمرل آف دی فلیٹ سر فیئر فیکس مورسبی کے اعزاز میں رکھا گیا تھا۔
اگرچہ پورٹ مورسبی مرکزی صوبے سے گھرا ہوا ہے، جس کا یہ دار الحکومت بھی ہے، یہ اس صوبے کا حصہ نہیں ہے بلکہ قومی دار الحکومت کا ضلع بناتا ہے۔ روایتی زمینداروں، موٹو۔کویتابو لوگوں کی نمائندگی موٹو کوئیٹا اسمبلی کرتی ہے۔ پورٹ مورسبی نے نومبر 2018ء میں APEC سربراہی اجلاس کی میزبانی کی۔ تاہم، پرتشدد جرائم کے لیے دار الحکومت کی شہرت کے پیش نظر سیکیورٹی کے بارے میں خدشات تھے۔
