سمیعہ عثمان فتح (پیدائش: 28 جولائی 1940) [1] پاکستان کی ایک سابقہ سیاستدان ہیں ۔ 1973ء میں، وہ ملک کے ایوان بالا سینیٹ کے لیے منتخب ہونے والی پہلی خاتون بنیں۔
پس منظر
سمیعہ گجرات (پاکستان) کے ایک متوسط گھرانے میں پیدا ہوئیں۔ [2] انہوں نے اپنی تعلیم بڑی لگن سے مکمل کی۔ ان کی شادی شیخ عثمان فتح سے ہوئی۔
کیریئر
سمیعہ اور ان کے شوہر دونوں پاکستان پیپلز پارٹی (پی پی پی) کے بانی ممبر تھے۔[2] تاہم، ان کے شوہر نے 1972ء میں پارٹی چھوڑ دی۔ 1968ء میں وہ ضلع گجرات کے لیے پی پی پی کی خواتین ونگ کی صدر مقرر ہوئیں۔
سینیٹ آف پاکستان
بطور پاکستان پیپلز پارٹی کی امیدوار سمیعہ 1973ء میں ایک عام نشست پر سینٹ کی رکن منتخب ہوئیں۔ اس طرح وہ ملک کی پہلی خاتون سینیٹر بن گئیں۔[3] اپنے دور میں وہ واحد خاتون سینیٹر تھیں۔[2] [4] 6 اگست 1973ء کو حلف اٹھانے کے بعد وہ اگست 1973ء سے اگست 1975ء تک سینٹ کی رکن رہیں۔[5] اپنے دور میں انھوں نے اقتصادی امور اور شماریات ڈویژن کی فنانس، منصوبہ بندی اور ترقی سے متعلق کمیٹی میں خدمات انجام دیں۔[6]
پاکستان کی قومی اسمبلی
1977ء میں سمیعہ ایک بار پھر پی پی پی کے ٹکٹ پر خواتین کے لیے مخصوص نشست پر پاکستان کی قومی اسمبلی کے لیے منتخب ہوئیں۔[1]
غیر ملکی دورے
فروری 1975ء میں سمیعہ امریکا کے سرکاری دورے پر
وزیر اعظم ذوالفقار علی بھٹو کے کے وفد کا حصہ تھیں۔ [2] [7]
سیاسی سرگرمی
انھوں نے 1977ء میں ضیاء الحق کی فوجی آمریت کے خلاف مظاہروں کا انتظام کیا اور ان میں شرکت کی۔ [1]
حوالہ جات
بیرونی روابط
