حق دو تحریک، بلوچستان (HDTB) پاکستان کی ایک سیاسی جماعت ہے جو بلوچستان کے حقوق کے لیے جنوبی بلوچستان اور خاص طور پر گوادر اور مکران ڈویژن میں سر گرم عمل ہے۔[2][3] پارٹی کے سربراہ ہدایت الرحمن بلوچ ہیں جو گوادر شہر سے تعلق رکھنے والے ایک محب وطن بلوچ رہنما ہیں۔[4] یہ جماعت پورے جنوبی بلوچستان اور خاص طور پر ساحلی علاقوں میں غیر قانونی مچھلی کے شکار پر پابندی کے لیے کوشاں ہے جس کے لیے ایک طویل عرصے سے احتجاجی مہم چلا رہی ہے.[4] حق دو تحریک سنہ 2021ء میں مقامی سیاست دانوں کے اتحاد سے بنائی گئی جو بلوچستان کے حقوق کے لیے کوشاں ہیں۔[5]
اس جماعت نے حالیہ عام انتخابات میں بلوچستان بھر سے اپنے امیدوار کھڑے کیے اور بھرپور انتخابی مہم چلائی جس کے نتیجے میں کافی تعداد میں ووٹ لینے میں کامیاب ہوئی اور گوادر سے بلوچستان اسمبلی کی نشست پی بی-24 (گوادر) پر کامیابی حاصل کی۔[6][7]
حق دو تحریک کے مطالبات
• اس تحریک کے مطالبات میں سب سے بڑا مطالبہ سمندر میں غیر قانونی طور پر مچھلیوں کے شکار کا خاتمہ ہے۔
• تحریک کا دوسرا بڑا مطالبہ گوادر میں منشیات کا خاتمہ ہے۔
• تحریک کا ایک مطالبہ گوادر شہر اور اس کے نواحی علاقوں میں سیکیورٹی فورسز کی چیک پوسٹوں کا خاتمہ ہے۔
حوالہ جات
