ایس-اے20 (انگریزی:SA20) ایک ٹوئینٹی 20 فرنچائز کرکٹ ٹورنامنٹ ہے جو پہلی بار 2023ء کے شروع میں جنوبی افریقہ میں کھیلا گیا۔[1][2] پہلے ایڈیشن میں جنوبی افریقی شہروں پر مبنی چھ ٹیمیں شامل تھیں۔[3] اگست 2022 میں لیگ کو باضابطہ طور پر ایس-اے20 کا نام دیا گیا۔[4] گریم اسمتھ اس چیمپئن شپ کے کمشنر ہیں۔[5]
تاریخ
کرکٹ جنوبی افریقہ (CSA) نے 2017 میں فرنچائز ٹی20 گلوبل لیگ قائم کی۔ نشریاتی معاہدہ اور ٹائٹل اسپانسر نہ ہونے کی وجہ سے افتتاحی سیزن ایک سال کے لیے موخر کر دیا گیا تھا اور جون 2018 میں اس کی جگہ مزانسی سپر لیگ نے لے لی تھی، ایک ایسی لیگ جس میں کرکٹ جنوبی افریقہ کی ملکیت والی چھ ٹیمیں شامل تھیں۔[6] دونوں لیگز ناکام ہو گئیں۔
[7] ایم ایس ایل صرف دو سیزن تک چلی جبکہ 2020 اور 2021 کے ایڈیشن کورونا وائرس کی وجہ سے منسوخ ہو گئے۔
ایس-اے20 کو کرکٹ جنوبی افریقہ نے 2022 میں ایک نو تشکیل شدہ ادارے افریقہ کرکٹ ڈیویلپمنٹ لیمیٹیڈ (ACD) کے ذریعے قائم کیا تھا جس میں وہ خود 50 فیصد حصے کے ساتھ اکثریتی اسٹیک ہولڈر ہے، جبکہ براڈکاسٹر سپر اسپورٹس کے پاس 30 فیصد حصہ ہے اور انڈین پریمیئر لیگ (IPL) کے سابق چیف آپریٹنگ آفیسر سندر رامن باقی 20 فیصد حصے کے مالک ہیں۔[8] تمام چھ ٹیمیں آئی پی ایل کی موجودہ فرنچائزز نے خریدی تھیں۔[9] جولائی 2022 میں کرکٹ جنوبی افریقہ نے اعلان کیا کہ آسٹریلیا کے خلاف جنوری 2023 میں کھیلی جانے والی ایک روزہ بین الاقوامی سیریز کو منسوخ کر دیا جائے گا تاکہ ایس-اے20 آگے بڑھ سکے۔[10]
اگست 2022 میں گریم اسمتھ کو ٹورنامنٹ کے کمشنر کے طور پر مقرر کیا گیا۔[5] مہینے کے آخر میں پہلے سیزن کے لیے مارکی کھلاڑیوں کا اعلان کیا گیا۔[3]
ٹیمیں
مندرجہ ذیل ٹیموں اور ان کے مالکان کا ٹورنامنٹ میں حصہ لینے کا اعلان کیا گیا:[11]
- ڈربنز سپر جائنٹس (DSG)
- جوبرگ سپر کنگز (JSK)
- ایم آئی کیپ ٹاؤن (MICT)
- پریٹوریا کیپٹلز (PC)
- سن رائزرز ایسٹرن کیپ (SEC)
- پارل رائلز (PR)
حوالہ جات
بیرونی روابط
