میسون بنت بحدل

میسون بنت بحدل
معلومات شخصیت
تاریخ وفات	سنہ 700ء
شریک حیات	معاویہ بن ابو سفیان
اولاد	یزید بن معاویہ
دیگر معلومات
پیشہ	مصنفہ
پیشہ ورانہ زبان	عربی
درستی - ترمیم

میسون بنت بحدل (انگریزی: Maysun bint Bahdal) (عربی: ميسون بنت بحدل) اموی خلیفہ معاویہ بن ابو سفیان (دور حکومت 661ء-680ء) کی بیوی تھیں اور ان کے جانشین اور بیٹے یزید بن معاویہ (دور حکومت 680ء-683ء) کی ماں تھیں۔ وہ بنو کلب (قبیلہ) کے ایک حکمران قبیلے سے تعلق رکھتی تھی، ایک قبیلہ جو صحرائے شام پر غلبہ رکھتا تھا۔ معاویہ بن ابو سفیان کی اس سے شادی نے قبیلے کے ساتھ اس کے اتحاد پر مہر ثبت کردی۔ میسون بنت بحدل کو عربی زبان کی ابتدائی تصدیق شدہ خواتین شاعروں میں سے ایک کے طور پر بھی شہرت حاصل ہے۔ ^[1] تاہم ایسا لگتا ہے کہ یہ شہرت اسی نام کی ایک اور خاتون، میسون بنت جندل کی ہے۔

زندگی

میسون بنت بحدل کا تعلق بنو کلب (قبیلہ) ^[2] کے بدو قبیلے سے تھا۔ وہ بنو کلب کے سردار بحدل بن انیف کی بیٹی تھیں۔ ^[3] بنو کلب نے صحرائے شام پر غلبہ حاصل کیا اور وسیع قضاعہ قبائلی اتحاد کی قیادت کی۔ بازنطینی سلطنت کے پرانے اتحادی، انھوں نے بازنطینی شام پر مسلمانوں کی فتح کے دوران میں غیر جانبدار پوزیشن حاصل کی۔ اس قبیلے نے اموی خاندان (بنو امیہ) کے ساتھ روابط قائم کیے، سب سے پہلے خلیفہ عثمان بن عفان (دور حکومت 644ء-656ء) کے ذریعے، جنھوں نے بنو کلب کی ایک عورت سے شادی کی۔ معاویہ بن ابو سفیان جس نے عثمان بن عفان کے دور میں شام پر حکومت کی، ان تعلقات کو مزید بڑھایا۔ ^[4] غالباً 645ء میں میسون بنت بحدل سے شادی کر کے، اس نے قبیلے کے ساتھ اپنے اتحاد پر مہر ثبت کر دی۔ ^[5] اس نے میسون کی پھوپھی زاد بہن نائلہ بنت عمارہ سے بھی شادی کی لیکن جلد ہی اسے طلاق دے دی۔ ^[6]

بنو کلب اور بحدل کا خاندان فتوحات کے وقت مسیحی تھے اور یہ معلوم نہیں کہ معاویہ بن ابو سفیان سے شادی کے بعد میسون بنت بحدل مسیحی رہی یا نہیں۔ ^[7] مؤرخ موشے شیرون کا خیال ہے کہ "یہ مشکوک ہے کہ اس نے اسلام قبول کیا تھا" ^[8]

میسون بنت بحدل معاویہ بن ابو سفیان کے بیٹے اور نامزد جانشین، یزید بن معاویہ کی ماں تھی۔ اس نے اپنے بیٹے کو تعلیم دینے میں کافی دلچسپی لی اور اسے بنو کلب کے صحرائی کیمپوں میں لے گئی جہاں یزید نے اپنی جوانی کا کچھ حصہ گزارا۔ مورخ نابیہ عبود کی تحقیق کے مطابق وہ غالباً 680ء میں یزید بن معاویہ کے تخت نشین سے پہلے فوت ہو گئی تھی۔ ^[7]

مزید دیکھیے

• معاویہ بن ابو سفیان

حوالہ جات

1. E.g. Salahuddin Khuda Bukhsh, Studies: Indian and Islamic (London: Kegan Paul, Trench, Trübner, 1927 p. 17.
2. H.U. Rahman, A Chronology Of Islamic History 570-1000 CE (1999)، p. 72.
3. Patricia Crone (1980)۔ Slaves on Horses: The Evolution of the Islamic Polity۔ Cambridge and New York: Cambridge University Press۔ ص 93۔ ISBN:0-521-52940-9
4. Marsham 2009، صفحہ 90–91
5. J. W. Redhouse (1886)۔ "Observations on the Various Texts and Translations of the so-called 'Song of Meysūn'; An Inquiry into Meysūn's Claim to Its Authorship; and an Appendix on Arabic Transliteration and Pronunciation"۔ The Journal of the Royal Asiatic Society of Great Britain and Ireland۔ ج 18 شمارہ 2: 268–322۔ DOI:10.1017/S0035869X00165682۔ JSTOR:25208828
6. Marsham 2009، صفحہ 91
7. ^ Lammens 1993، صفحہ 156
8. Sharon 2013، صفحہ 286